ushumayela ivangeli lokuziphatha kahle u Dj Feleba

Isithombe sithathwe kufacebook

uSifiso Dlamini odume ngokuthi ngu Dj Feleba noma ngu Blaqvnomous uthi intsha ayifunde ukuziphatha kahle bese iyaphanta ukuze ibe nekusasa elinesisekelo.

Exoxa ne NPG newsblog uthe " ya mganami mpilo isiyashesha manje amantombazane no tshwala akubaleki umuntu akaphante impilo isiyabiza"

Lensizwa eklwebha amapuleti nephinde ibe ngu producer womculo weHouse isazibuza ukuthi idlule kanjani kulempilo yobumnandi " mfana ngdlulile  & nami angazi ngdlule njani...kubi ikakhulukazi la pongola...kubi kakhulu"

Nakuba evele wafa insini uma ebuzwa ukuthi imbi ngani impilo yobumnandi ikakhulukazi ophongolo ugcine ecela intsha ukuba isebenze kanzima ukuze izophila kangcono.

owaseSwazini uphika eyesibalo sabashonile

Uhulumeni waseSwazini uphika ushishiliza ngegonondo phansi ukuthi lesibalo sezintombi ezishonile eziwu 31 siyiqiniso obekuyimibiko ephume izolo nobekunamahebezi athi isibalo senyuke saze sayofika ku61 sabaphangalele ngesikhathi kushayisana iloli ebelithwele izintombi eziya emhlangeni nemoto encane.

Ngokwemibiko ekhishwe iphephandaba laseSwazini elibizwa ngokuthi iSwazi Observer ziyishumi nantathu kuphela izintombi ezishonile kwase kuthi eziwu 48 zaphuthunyiswa esibhedlela

ukudla komphefumulo

Mfundisi Sabelo Shongwe
Apostolic Church - oPongolo

Ukuthula akube nani bazalwane.  imphela lolu,usuku oluhle iNkosy uJesu asenzele lona,wasipha, wasibekela okuhle nokungakaze kubonwe futhy kwaziwa. Akesibheke ku-Genesis 1 vs 1-2  “ ekuqaleni uNkulunkulu wadala izulu nomhlaba. 2. Umhlaba wawuyihlane elingenalutho, kwakungubumnyama phezu kotwa, Kepha uMoya kaSomakade wehla wenyuka phezu kwamanzi” imphela mhlobo wami, umhlaba wawungaphili, wawungena simo sokubukeka, wawungahlelekile. Kwakungena themba,akukhotho olwalungaphila. Ithi iZwi kukungubumnyama phezu kotwa, kodwa lalela mhlobo wami, uMoya kaSomandla wawehla wenyuka phezu kwamanzy. Kodwa mfowethu, lalikhona ithemba ngoba UMOYA weNkosi wawehla wenyuka. Cha wawungamile ndawonye kodwa wawehla wenyuka. Awu Nkosi yami. Wawubheka sonke isimo, konke kwakungaphansi kweso leNkosi. Wakhuluma ngolizwi wathi akubekhona ukukhanya, izwi lithy Kwehlukana ubumnyama nokukhanya. Ukukhanya kwanikwa igama lokuthy imini, ubumnyama kwathiwa ubusuku.kungenzeka emphilweni yakho kumnyama,kawunathemba lekusasa futhi ibukeka limfiliba kodwa ngifisa ukukunika isiqiniseko sokuthi UMOYA kaJehova uyehla uyenyuka phezu kwesimo nemphilo yakho. Konke okwenzeka emphilweni yakho kungaphansi kweso likaSomandla. Kusasesilinganisweni. INkosi isiyakhuluma phezu kobumnyama obukuhaqhile imphela methembe usekukhulumile ukukhanya emphilweni yakho. Methembe uSomandla lena indoda yempi.  wenza izinto ezingazange zabonwa yikho lokho afuna ukukwenza emphilweni yakho ukuze kwethenjwe iGama lakhe namandla akhe oDwa nabantu bembone kuwe okwakho ukumethemba ukuthi uyadila nezimo Zemphilo yakho. Nakhu ukukhanya phezu kwemphilo yakho. INkosi ikwenzele amandla okumethemba usalindele ukakhanya kwakho njalo njalo AMEN.

kuphangalale izintombi eziwu 38 ebezilibangise emhlangeni

Kubikwa ukuthi kushone izintombi eziwu38 ebezilibangise emkhosini womhlanga ezweni eliwumakhelwane wethu iSwaziland.lezintombi ziphangalale ngesikhathi iloli ebezihamba ngalo lishayisana nemoto encane izolo ngolwesihlanu ebusuku. Imibiko ithi bavaliwe abazendaba ukubika ngaloludaba

usinde engozini umfundisi Sthembiso Zondo

Umfundisi Sthembiso Zondo nethimba lakhe le Zero to hero. Basinde engozini yemonto ePiet Ritief izolo ebusuku ngesikhathi bephuma eMalelana lapha bebeyosebenzela ngakhona, akubikwanga muntu olimele. Ngokusho kukaMfundisi Zondo ekhasini lakhe lika facebook uthe ubonga ophezulu ngokubahlenga kulefu elimnyama

Selimenyezelwe elamaBhokobhoko elizodlala endebeni yomhlaba

Umqeqeshi wamaBhokobhoko okuyiqembu lesizwe lakuleli laseNingizimi Afrika lombhoxo, uHeyneke Meyer uselumemezele iqembu labadlali abangama-31 elizogijima endebeni yomhlaba.

Lemidlalo izobanjelwa phesheya kwezilwandle, eNgilandi kusukela ziyi-18 ngenyanag ezayo.

Elakuleli liseqoqweni elibizwa ngoPool B kanye neJapan, Samoa, Scotland neUSA.

Umqeqeshi wamaBhokobhoko uHeyneke Meyer (Isithombe: Facebook)

Selilonke iqembu laseMzansi limi kanje:

Willem Alberts, Schalk Brits, Schalk Burger, Damian De Allende, Lood de Jager, Jean de Villiers (captain), Bismarck du Plessis, Jannie du Plessis, Fourie du Preez, Pieter-Steph du Toit, Eben Etzebeth, Bryan Habana, Zane Kirchner,Siya Kolisi, Jesse Kriel, Patrick Lambie, Willie le Roux, Francois Louw, Frans Malherbe, Victor Matfield (vice-capt), Tendai Mtawarira, Lwazi Mvovo, Trevor Nyakane, Coenie Oosthuizen, Rudy Paige, Ruan Pienaar, JP Pietersen, Handré Pollard, Morné Steyn, Adriaan Strauss, Duane Vermeulen.

akasekho ubabamakize wasemzini wezinsizwa

Esizithola manje ngezithi Akasekho uMnu Rolad Mqwebu owaduma ngokuthi ubaba uMkhize emdlalweni wamahlaya owawubizwa ngokuthi Emzini Wezinsizwa

uyangokudlondlobala umkhangisi wengqephu waKwashoba

Ulokhu enyuka njalo ngeladi lempumelelo umkhangisi odabuka endaweni yaKwashoba oPongolo uNayizolo Simelane.

Lengqomondo yentokazi eshaya ngokhalo lomuvi nomzimba ololongekile ibukhuluma ne NPG News imatasatasa ilungiselela umcimbi wokukhangisa ngebgqephu eyingxenye yawo obizwa nge Durban Fashion Fair.

Lenkosazane eneziqu ze Financial Accounting ibukeka ivunywe unyaka kwazise iqokwe yaba ubuso bomjaho wamahhashi omkhulukazi eNingizimu Africa obizwa nge Vodacom Durban July.

ziqhathwe kanje ku champions league

Group A

Paris St Germain
Real Madrid
Shakhtar Donetsk
Malmo

Group B

PSV Eindhoven
Manchester United
CSKA Moscow
VfL Wolfsburg

Group C

Benfica
Atletico Madrid
Galatasaray
Astana

Group D

Juventus
Manchester City
Sevilla
Borussia Moenchengladbach

Group E

Barcelona
Bayer Leverkusen
AS Roma
BATE Borisov

Group F

Bayern Munich
Arsenal
Olympiakos Piraeus
Dinamo Zagreb

Group G

Chelsea
Porto
Dynamo Kiev
Maccabi Tel Aviv

Group H

Zenit St Petersburg
Valencia
Olympique Lyon
Gent

kusuke esinamathambo abafundi befuna ukuphakelwa inyama

Kuthe ngolwesibili Kwaphazamiseke ukufunda esikoleni samabanga aphezulu iMpindiso Secondery School esendaweni yaseSivule ngesikhathi abafundi bevuka umbhejazana bekhalaza ngokuthi bafuna kufakwe amaqanda nenyama ohlelweni lwabo lokudla okunye abaphinde bakhala ngakho kube ukuthi bafuna namajezi ebhola elisha ceke.

Labafundi bashaye babulala amafasitela esikole akuboshwanga muntu ngalesigameko

UMasuku noMphela bavumbuke kwi-Eagles

Umdlali obengaconsi phansi kubalandeli be-Orlando Pirates nobedume ngomjiko ohehayo,uKhethokwakhe "Bereza" Masuku nomgadli obegijima emaqenjini amakhulu esibala kuwo iMamelodi Sundowns neKaizer Chiefs, uKatlego "Killer" Mphela sebezitholele ikhaya elisha kuRoyal Eagles egijima kuNational First Division(NFD).

UKiller bekungasamhambeli kahle ngoba ukubhakuzisa inethi bese ekuzwa ngendaba. Walahlekelwa yindawo yakhe eqenjini lesizwe, iBafana Bafana. Wasuka kuSundowns waya kwiChiefs nakhona wafike washukusha ibhensthi. UMasuku ubesephenduke umtshingo ubethwa ngubani selokhu ekhululwa yiPirates ekupheleni kwesizini edlule. Bobabili laba badlali basayine inkontileka yesizini eyodwa.

I-Eagles ephethwe isiquqmama esizinze eThekwini uMnu S'bu Mpisane ibukeka izimisele ukungena esigabeni esiphezulu iPSL ngoba iphinde yengeza noDominic Isaacs odlala emuva naye onamava ebholeni elikhokhelayo eNingizimu Afrika.

U-Abbie Rasimphi wakwaLiberate Resources Sports Management okuyinkampani engamele izindaba zalaba badlali uziqinisekisile lezi zindaba.

usizi ezithanqaza emva kokugunywa komkakhe

indoda elinganiselwa eminyakeni ewu 37 iqome ukuziphonsa phansi esitezi sesibili ephalamende elidala oLundi izolo emini.

Lendoda enguMnu Jabulani Ndlovu kuthiwa izise kwagoqanyawo emva kokuzwa ukuthi uNkosikazi wayo utholakele enqunywe uqhoqhoqho endaweni yase Danny Dalton khona eMahlabathini.

Ngokwemibiko kuthiwa uMnu Ndlovu waphelezela umkakhe wayombeka empambanweni yomgwaqo e19 okuyigama elethiwa lendawo ecezukela olundi kumgwaqo uR66 obheke eFilidi uqhamuka eMelmoth. nokuthe ngokuhamba kwesikhathi wasethola izindaba zokuthi umkakhe usebulewe. bekungakaboshwa muntu nalezigameko zombili.

ubungagwazi ubujuqa umkhonto ekhaya le Free State Stars

iqembu leFree State Stars lenze umsebenzi walula kuKaizer Chiefs emdlalweni weLigi ngomgqibelo ebusuku enkundleni yase FNB ngesikhathi iziqonqwane ze Free State Stars zidonsa amagoli amabili asheshayo nobekuyimikhonto egwaze ekhaya ngonyawo luka Sankara no Shakaroma ngesiwombe sokuqala.

Amakhosi aye ekhefini ehamba phambili ngo 3-0 okube imikhonto egwazekhaya emibili nelika George Lebese ngesiwombe sesibili ubuyile ukaputeni wamakhosi washayela isipikili sokugcina ebhokisini le Free State Stars ngelihle igoli nelenze u 4-0 kwaphela kanjalo ke nge Ealla Koto.

Kweminye imiphumela kuhambe kanje

Mamelodi Sundowns 4- Bidvest Wits 2
University of Pretoria 3 - Polokwane City 0
Ajax Cape Town 3 - Marizburg United 1

asithole ukudla koMphefumulo

Mfundisi Bheki KaMkhanduma Buthelezi 

eZio Christian Fellowship Church International

kuGenesise 50:15-21, lithi: “Sebebonile abafowabo bakaJosefa ukuthi uyise ufile, bathi: Mhlawumbe uJosefa uzakusizonda, asiphindisele nokusiphindisela konke okubi esakwenza kuyena. Base bethumela kuJosefa, bethi: Uyihlo wayala engakafi, wathi: Niyakusho kuJosefa ukuthi: Ake uthethelele abafowenu isiphambeko sabo nesono sabo, ngokuba bakwenzela okubi; manje siyakucela ukuthi: Ake uthethelele isiphambeko sezinceku zikaNkulunkulu kayihlo. UJosefa wakhala, besakhuluma kuye. Base befika nabafowabo, bawa phansi ebusweni bakhe, bathi: Bheka, siyizinceku zakho. UJosefa wayesethi kubo: Ningesabi; kanti ngisesikhundleni sikaNkulunkulu na? Yebo, nina nangisongozela okubi, kepha uNkulunkulu wakuceba kwaba-kuhle ukuba akwenze kube-njenganamuhla, asindise abantu abaningi. Ngalokho ningesabi; mina ngiyakunondla, nina nezingane zenu. Wabaduduza, wakhuluma kuzo izinhliziyo zabo.” Amen

UJosefa wenzela abafowabo okuhle nakuba bamphatha kabi badayisa ngaye sebeke bazama ukumbulala.
Ake sithethelelane bangcwele

Amen!!!

uselimemezele uMashaba elizodlala ne Mauritania

umqeqeshi weBafana Bafana okuyiqembu lesizwe uMnu Shakes Mashaba ulimemezele iqembu elizodlala umdlalo wokuhlungela AFCO nezwe lase Mauritania,lime kanje iqembu


Goalkeepers
Jackson Mabokgwane, Itumeleng Khune, Ronwen Williams.

Defenders:
Erick Mathoho, Rivaldo Coetzee, Thulani Hlatshwayo, Siyabonga Nhlapo, Anele Ngcongca, Muzi Mashaba, Siyabonga Zulu, Tsepo Masilela

Midfielders:
Dean Furman, Andile Jali, Bongani Zungu, Mandla Masango, Siphelele Ntshangase, Jabulani Shongwe, Themba Zwane, Mpho Makola, Ayanda Patosi, Daylon Claasen.

Strikers:
Thulani Serero, Thamsanqa Gabuza, Sibusiso Vilakazi, Tokelo Rantie.

bayikhulumele eziko eka Pistorius ngoshwele

isinqumo sokudedela ngoshwele umsubathi u Oscar Pistorius simisiwe umnyango wezokuhlumelelisa kwesimilo ophethwe uNgqongqoshe Michael Msutha.

Lomsubathi obekulindeleke adedelwe ngolwesihlanu  emva kokudonsa izinyanga zlishumi kuphela esigwebeni seminyaka emihlanu ngecala lokubulala ngokungenanhloso intombi yakhe uReeva Steenkamp ngo2012.

Imbangela yokumiswa kwaloshwele uthe uMnu Masutha usedlulisele incwadi yesivimbelo efakwe inhlangano ye  Progressive Women’s’ Movem ent of South Africa (PWMSA) nokwenze ukuthi ayidlulisele kuthimba elibhekene noshwele phecelezi Parole Board. Akukaziwa ukuthi uyokhululwa nini lomsubathi onenqwaba yezindondo azinqoba emiqhudalwaneni yabakhubazeki

liqhwakele ibhakaniya emva kokubhudluza iChippa

Lithe chwa kwelenyoni ngokukleliswa kwamaqembu kuLog ye PSL ibhakaniya emva kokubhudluza kuhlungu iChippa United izolo ebusuku. ibhakaniya libuya edukwini eliyithole kuSupersport United neviki edlule likhiphele isibhongo ku Chippa United n 4-1 okube ngamagoli ashaywe ngu Ayanda Gcaba namabili kaMpho Makola nomkhonto ogwaze ekhaya ka Nkosinathi Mthiyane kwase elokusula umlomo le Chippa leza noBuyani Sali

Sisekuzo ezithinta ibhola ukaputeni weBafana Bafana uDean Furman usayine kuSupersports United.

UMame Niang obekuSundowns ubolekiswe kwelinye iqembu lase Cyprise

idlule nomphefumulo ingozi yomgwaqo eMadanyini

kushone umuntu engozini ebandakanya itruck nezimoto ezinhlanu eyenzeke emgwaqeni u N2 eMadanyini ngomsombuluko emini. Lengozi idalwe itruck ebeliqhamuka ngakwaMlogo nokubikwa ukuthi belingasakwazi ukuma kwazise bekuno Stop and go njengoba lomgwaqo usalungiswa.lelitruck ligcine ngokugibela phezu kwezimoto ebezimile.

bathimula eyokufundisa ulimu lwase China ezikoleni zakuleli

inyunyana yothisha iSADTU ikhaba ngazozombili indaba yokuthi kufundiswe ulimu lwase China iMandarin ezikoleni zakuleli nokubikwa ukuthi kuzoqalwa nonyaka ozayo ku Grade 4 kuze kuyo gcina ku Grade 10.

Ngokombiko okhishwe iMail and Guardin kunencwadi ekhishwe umnyango wezemfundo eyisisekelo ophethwe u Angie Motsega, lencwadi isithunyelwe emnyangweni wezemfundo kuzifundazwe zonke ukuzazisa ukuthi ngonyaka ozayo luzofakwa lolulimi ezikoleni.

UNobhala jikelele we SADTU uMnu Mugwena Maluleka uthe lokhu okwenzekayo kufana ncimishi nokwakwenziwa uhulumeni wobandlululo,  ukubafunza into abangayazi kuwukudayisa ngegazi labantu  lokhu.

ife olwembiza iDingukwazi kubhubha uqweqwe lukathisha

Igqemeke egeqiwantwala iDingukwazi High school eva kokushona yothisha obefundisa kulesikole uMnu JJ Thwala wakhona endaweni yakwaLubisi oPhongolo.

UMnu Thwala ubandakanyeke engozini yemoto ehamba nobaba wakhe naye odlulile emhlabeni.

inqobe owomfudumezo iSupersport United

iqembu leSupersport United liwunqobile umdlalo odlalwe izinsuku ezimbili ne Orlando Pirates obekungumdlalo we ligi wokuqala walamaqembu.

Lomdlalo obudlalwa ngolwesibili nomiswe ngomzuzu ka63 ngenxa yenkinga kagesi nobekuhamba phambili iSupersports ngo1-0 kubese kuthathwa isinqumo sokuthi uqedelwe namuhla emini kuqhutshekwe kuyo lemizuzu ebesisele ewu 27.

Nangempela udlaliwe lomdlalo namuhla yaphumelela iSupersports ngalo legoli elishaywe izolo nu Boxelli

ikhuza eyobuzwe I ANC

AInhlangano yezombusazwe iAfrican National Congress ikhuza imvunge ethi iqubuka emaqenjini aphikisayo emayelana nokuthi abantu abangabesizwe samaZulu ibona abaqhoqhobele izikhundla eziphezulu ku ANC nakumadlelandawonye alenhlangano.

Lemvunge iqubuke ngesikhathi kuqedwa kukhethwa uphiko labesifazane engqungqutheleni ebidubuduze nePitoli ngeviki ledlule nalapha kukhethwe uBathabile Dlamini kwesikasihlalo.

Okhulumela ukhongolose kuzwelonke uMnu Zizi Kodwa uthe ayikho lento eshiwoyo ipolitiki engekho evezwa amaqembu aphikisayo nzama ukuzigayela amavoti. lento yobuzwe ku ANC kuthiwa idalwa ukuthi ekomidini elikhulu liphethwe ngu Mnu Jacob Zuma wakwazulu natal elabesifazane nalo liholwa uBathabile Dlamini wakwaZulu Natal elentsha nelingakakhethi kubikwa ukuthi kuthwelwe uMnu Mzobe wakwazulu natal I Cosatu iholwa nguMnu Sdumo Dlamini wak waZulu natal bese ne SACP ibe noMnu Blade Nzimande nosekudale ukuthi kuqhamuke igama elithi ZANC elisho ukuthi Zuma African National Congress.

zibhibhise isilonda izigebengu emndenini ka R Mashesha

izigebengu zidlokodle inxeba elisabhibha emndenini wakwaKhomo okungumndeni kamculi ongasekho u R Mashesha ngokuthi zingene zeba izimpahla zalomculi osasemakhazeni.

Kubikwa ukuthi lezinswelaboya zingene endlini obekubekwe kuyo impahla zikamufi nalapha zifike zeba ilaptop, amateki ne playstation obekungokukamufi bekungakaboshwa muntu.

Kulindeleke ukuthi kubanjwe inkonzo yesikhumbuzo ngolwesine edaweni ezomenyezelwa nalapha kosale sekumenyezelwa nosuku lokumthuna.

SELUNGENA KWELINYE IGIYA OLUKADAVIDE NOGOLIATH BAMA ATM!

Udaba olwalubikwe iNPG Newsblog emavikini amabili adlule ngomfanyana omncane wasOphongolo owaholela ekutheni kuze kubanjwe kuvalelwe izinsizwa ezisolwa ngokuba izigilamkhuba esezibaqedile abantu kumaATM - Lusaqhubeka! INPG Newsblog inalo igama lalo mfana.

Abezomthetho bakuqinisekisile ukuthi selokhu kubanjwe lezi zinsizwa, sehlile kakhulu isibalo sabantu ababanjwa inkunzi kumaATM Ophongolo.

Laba basolwa abanikwanga ibheyili. Nakuba kunemibiko eminingi yokuthi amaPhoyisa asevimbe kaningi ngoba kunabalokhu benza imizamo yokuhlangana nalo mfanyana eceleni nosekusolisa ukuthi bafuna ukumncenga ezosula icala.

Lolu daba lusaqhubeka kanti iNPG Newsblog izolokhu iluhleli ezithendeni.....

SEKUNEBHUBESI OPHONGOLO!

Umdlali wasOphongolo eNcotshane nobekade egijimela iqembu lePolokwane City kwiPSL usesayine kwiThanda Royal Zulu kuNFD.

Lo mdlali ozakhele kakhulu igama ngesikhathi eqokelwe eqenjini lesizwe elaziwa ngama Binneplaas ngaphansi kukaSimon Ngomane.  UNhlakanipho Mkhwanazi useqede konke neqembu eliteketiswa ngelokuthi ''Amabhubesi" nelizinze eRichards Bay.   Le nsizwa ebebeyibiza ngo''Shorty'' kwiPolokwane, bese ijime neThanda amaviki amathathu ihlolwa.

Lo mdlali nokho akaphumelelanga ukuhamba neqembu lakhe elisha ukuya eMgungundlovu ngempelasonto njengoba ebethintekile kancane. Kumanje Amabhubesi azilungiselela ukuqala kwemidlalo yeNFD nelizowuqala ekuhambeni ngokuphela kwenyanga.

uzimisele ngokuwaqhulula amagoli owakwa Nongoma kuPolokwane

Umgadli weqembu le Polokwane city uThobani mncwango uthi uzimisele ngokubalwa nabashayimagoli abavelelwe ku PSL kulesizini.

Lensizwa edabuka kwaNongoma ibixoxa ne NPG newsblog emva kokushaya ingcwenga yegoli elinqobise ezakhe ngo 3-2 zishaya I Celtics emdlalweni wokuqala weligi nalapha ezwakalise khona injabulo enkulu.

Umfoka Mncwango bazomkhumbula abaningi ngesikhathi edla luhlaza iqembu lekaizer chiefs esagijima ku Baroka Fc nokwakungumqhudelwano we Nedbank.

owodumo lokuklwebha amapuleti kwaMlogo usengena kwezolimo

UDj Giyani owaduma ngokuba ngu Dj nomhleli wemicimbi yobumnandi endaweni ebizwa ngokuthi ku se Okuhle sport bar noma kwaMlogo uthi usengena kwezokulima nokufuya.

Ekhuluma ne NPG News ngolwesihlanu uthe "akukhona ukuthi sengiyaphuma kwezokuncebeleka kodwa ngizama ukwenza enye into ehlukile kunale engaziwa ngayo, nginothando lokulima nokufuya, ungibona nje manje ngiya eLibrary  ngisayohlanganisa  izinto eziphathelene nakho ukulima".

Lensizwa yakwaNdlovu oLundi eke yathi ukunyamalala kwezobumnandi ithe "bekungakhona ukuthi nginyamalele kodwa bengisesikoleni ngifundela izifundo okuphatha amabhizinizi, kodwa ngibuyile njengoba miningi imicimbi engibe yingxenye ihlelwa ngaphinda ngadlala kuyo lapha oLundi nakwaNongoma"

Nakuba uDj Giyani esebuyele oLundi kodwa usafisa ukusebenzisana nabantu basophongolo ekuletheni ubumnandi. nakuba ayaziwa ngemiyeko ayeyenze kanda kodwa manje useshaya ngezinwele ezimfushane zigundwe kahhle

liphinde labopha ibhakaniya kweyase Afrika

iqembu le orlando Pirates lqhubekile nokuba ithemba labantu base South Africa ngesikhathi lishaya ngo 2-0 izivakashi ase Tunisia I CS Sfaxien enkundleni yase Orlando Stadium izolo ebusuku.

Ezika Iron Duke zinqobe lomdlalo ngamagoli ashaywe uThabo Rakhale no Menzi Masuku, lomphumela usho ukuthi ezimnyama zibheke kumidlalo yama Semifinal njengoba sezinamaphuzu angu 9 kusasele imidlalo emibili uma iqoba iZamalek namuhla

imiphumela ye Absa Premier Soccer League

free state stars O mpumalanga black Aces 1

Polokwane city 3- Bloemfontein celtic 2

Bidvest Wits 2 - Ajax Cape Town 1

Mamelodi Sundowns 0 - Platnum Stars 0

ihambe kahle ingqungquthela yabesifazane be ANC

ihambe kahle igqungquthela yabesifazane be African National Congress eqale ngolwesithathu yaphela ngolwesihlanu ebusuku ebibanjelwe endaweni ebizwa nge Irene budebuduze ne Pitoli. kulengqungquthela umbango ubukhasa phansi kongqongqoshe ababili abebebanga isikhundla sokuba usuhlalo waloluphiko labo bekungungqongqoshe wezemfundo eyisisekelo unkosikazi Angie Motsega nobekunguye uSihlalo waloluphiko nalowo ongungqongqoshe wakwa social development uBathabile Dlamini nokuthe masekuvotwa wakhala ngaphansi uAngie motsega ikomidi elivotelwe limi nje

Nalu uhla lwabakhethiwe


1President = Bathabile Dlamini
2. Deputy President = Sisi Ntombela
3. Secretary General = Meokgo Matuba
4. Deputy Secretary General = Weziwe Tikana
5. Treasurer General = Maite Nkoana-Mashabane

u AKA uphika eyokudonsa u Casper Nyovest ngowahazulwa wempama

 
 
umculi we Hip Hop u AKA uphika eyokuthi uhashabule ngempama umculi angezwani naye u Casper Nyovest ngolwesine ebusuku.

kubikwa ukuthi lesigameko senzeka kwenye yama Nightclub aseGoli lapha u AKA ehamba no khuli Chana bangena ku lendawo kanti no Casper uhlezi nabangani bakhe, nalapha u AKA avele waqonda ngqo etafuleni elihleli u Casper wase edonsa ugesi wempama.



ebhala ku twitter u casper uthe

October 31st TheDome

✔ @CassperNyovest

So @akaworldwide comes up 2 my table in a club&slaps me. You'll probably deny this like you always do but its fine. Just want u 2 know this.

 

 

 

kanti u AKA uziphendulele kweyakhe I twitter wathi

 

 

I need to clear the record. These are false allegations. I DID NOT slap the shit out of someone tonight. I do NOT condone violence.

— AKA (@akaworldwide) August 7, 2015

 

 

 

kubukeka isekude ukuphela impi phakathi kwalabaculi ngoba nangonyaka ophelile kwake kwaba namahlebezi athi kunomngani ka AKA owakhomba u Casper ngesibhamu .

luyaqala ushikishi lwemidlalo ye Absa Premier Soccer league

iyaqala imidlalo ye Absa Premier Soccer League namuhla emva kwekhefu lezinyanga ezimbili. kulindeleke ukuthi amaqembu abonakale ukuthi ngabe aqinise kanjani kwazise ebenethuba lokusayinisa abadlali abadlali ababafunayo namanje basesenalo ithuba kwazise ithuba lokubasayinisa liyoze livaleke makuphela lenyanga esikuyo.

imidlalo yalempelasonto ime kanje


namuhla nge Sabatha/Umgqibelo

Polokwane City v.s Bloemfontein Celtic

FreeState Stars .v.s Mpumalanga Black Aces


Bidvest Wits .v.s Ajax Cape Town

Platnum Stars v.s Mamelodi Sundowns



kusasa nge Sonto

Golden Arrows v.s University of Pretoria

Chippa United v.s Kaizer Chiefs





sisekuzo ezithinta ibhola iqembu le Orlando Pirates lizoqhubeka nomshikashika wemidlalo ye Confederations Cup njengoba kuzothi namuhla ebusuku ligijimisane neqembu lase Tunisia I CS Sfaxien enkundleni yase Orlando Stadium ngo 20h15, lamaqembu adlalile emasontweni amabili edlule nalapha kwanqoba khona iBhakaniya ngo 1-0 nokwaba igoli elashaywa u Thabo Rakhale  kudlalwa kwelase Tunisia.

akasekho emhlabeni u R Masshesha we Big Nuz

lilokhu liqhubekile ithunzi lokufa endimeni yomculi kuleli, njengoba izolo kudlule emhlabeni uMnu Sibusiso Khomo obedume ngelika R Mashesha nobecula neqembu lomculo we House lase Mlazi elidume ngokuthi iBig Nuz, uKhomo osekunesikhathi eside engabonakala uma leliqembu licula ngenxa yokuxinwa ukugula isilhathi eside .

nakuba kwake kwagcwala amahemuhemu uqala lonyaka athi lensizwa ishonile nokwaphinda kwavela ukuthi abantu bebesenga ezimithiyo. izindaba zokudlula kwalensizwa ziqinisekiswe ilowo ongumphathi weqembu le Big Nuz uMthokozisi Khathi nowaziwa ngo DJ Tira .

belibhale kanje ekhasini layo iBig Nuz ku Facebook

Big Nuz

4 hrs ·

RIP Roger Mashesha ‪#‎ALifeCelebrated‬ Each day holds a surprise. But only if we expect it can we see, hear, or feel it when it comes to us. Let's not be afraid to receive each day's surprise, whether it comes to us as sorrow or as joy It will open a new place in our hearts, a place where we can welcome new friends and celebrate more fully our shared humanity.
(Henri Nouwen)

isihluku kubulawa usomatekisi egalaji likaphethilolo empangeni

uphiko lwamaphoyisa olibizwa nge Crime Watch lukhiphe imifanekiso yesigameko lapha kubulawa khona ngesihluku usomatekisi wase Soweto esegalaji lika phethilolo eMpangeni ngomsombuluko. losomatekisi ogama lakhe lingu Dumisani Mthethwa obeneminyaka ewu 55.

nansi ivideo  https://www.youtube.com/watch?v=KgzUENeNcHQ&feature=player_detailpage#t=21

athele mumva njengembumbha Amakhosi

iqembu le Kaizer Chiefs libuye sekuvalwe amehlo emdlalweni we MTN 8 lidlala ne Marizburg United izolo ebusuku. Abafana bokuthula no xolo banqobe lomdlalo ngo 5-3 emva kwe extra time nokwenziwe ukuthi umdlalo uphele ngo 3-3 emzuzwini ewu 90.

iMarizburg United ithuse abaningi ngesikhathi kuyiwa ekhefini ihamba phambili ngo 2-0 noe ngamagoli ashaywe ngu Kert Letjies beno Thamsanqa Teyise. kuthe makubuywa ekhefini kwangathi kukhona inkinobho ecofiwe ku Kaizer Chiefs ngoba iphendule ngamagoli amathathu asheshayo ashaywe ngu Goerge Lebese amabili nelilodwa lika Bernard Parker. kuthe sekusele imizuzu ewu 8 umdlalo uphele umkhonto wagwazekhaya kubafana basePhefeni ngonyawo luka Siyanda Xulu ethi unikeza unozinti u Reyaard Pieterse kanti akekho ezintini lonozinti nokwenze amagoli alingana ngo 3-3.

kubese kuyiwa emizuzwini engamashumi amathathu ( extra time) uXulu uligezile igama lakhe ngokuthi athole igoli elibuyise ithemba kuMakhosi kwase kuthi ngemizuzwana yokugcina washayela isipikili sokugcina ebhokisini le Marizburg United u Hendrik Ekstein . nokuthe emva kwesikhashana wasewuqeda unondweba umdlalo lafa kanjalo ke ikhehla ku Team of Choice okuyisiteketiso seMarizburg.



komunye umdlalo wayo I MTN 8 abafana bestayela okuyi Mamelodi Sundowns ibonakale igugumba nejezi layo iyoliwasha kwazise ithelwe othulini ngo 4-2 iBloemfontein Celtic sekukhahlelwa amaphenathi emva kokuthi lomdlalo uphele ngo 1-1 nokube ngamagoli angene ku extra time ele Sundowns lishaywe ngu Fiston Razak kwase ele Celtic lashaywa ngu Musa Bilankulu.







sisekuzo ezithinta ibhola ugcine ethole ikhaya lowo obengu kaputeni weKaizer Chiefs u Tefu Mashamayite ngesikhathi esayina iminyaka emibili nesigamu eqenjini lase Sweden elibizwa ngokuthi BK Hacken egijima esigabeni esiphezulu seligi yakulelazwe

liwathole esashisa amanzi okuwasha ijezi ibhakaniya

iqembu le Orlando Pirates liphume kusempondozankomo emqhudelwaneni wokuzibula iligi obizwa nge MTN 8, ezikaMagebhula ziguqiswe kabuhlungu I Ajax Cape Town ngegoli elilodwa eqandeni nokube yigoli elishaywe ngesithombe sesibili lishaywa ngu Ndiviwe Mdabuka nobekungumdlalo wakhe wokuqala ku Urban Warriors.

Ezimnyama bezibukeka zibonana kangcono bekwala khona ukuthi bekungahlangani kahle mazifika phambili kwazise zithole amathuba amabili kuphela aqonde ezintini ze Ajax nebezigadwe ngu Anssi Jaakkola ongunozinti we Ajax. ibhadi liqhubekile kwezimnyama kuwona lomdlalo njengoba u Lehlohonolo Masalesa ethole ikhadi elibomvu ehlezi ebhentshini nokukholakala ukuthi ukhulume amagama alumelayo ewabhekise kunompempe. njengoba ziphume kuseva ezimnyama nje kusho ukuthi  sezibeke amathemba azo emidlalweni ye Confedarations Cup, isicoco se ligi, Telkom Cup kanye Nedbank Cup abasozodlala kuyona lemiqhudelwano.

sisekuzo ezithinta I MTN 8 neSupersport United ifike yatolimisa nayo endishini yokuwasha ijezi njengoba ithelwe othulini I Bidvest Wits ngamagoli amathathu kwelilodwa emva kokuthi umdlalo uphele ngo 1-1 emizuzwini engu 90 kwase kuyiwa mizuzwini ewu 30 ebizwa nge Extra Time ngolimi lwesilungu nalapha iBidvest Wits iyigile igoda iSupersport ngamagoli amabili nokubese kuwenza abamathathu kwelilodwa ekupheleni komdlalo, amagoli eBidvest Wits ashaywe ngu Sfiso Vilakazi, Daine Klate no Hendrico Botes kwathi elokubikwa leMatsatsatsa a Pitori lashwaywa ngu Jeremy Brookie

kuzobe kugcwele osaziwayo kubungaza ibandla lomholi we Pongola Gospel Wagon

kulindeleke ukuthi ihanjelwe abantu abaqavile emkhakheni eyahlukene inkonzo yokubungaza iminyaka emibili laba khona ibandla likaMfu Themba Mathe ocula phambili ku Pongola Gospel wagon.

ekhuluma ne NPG news uMfu Mathe ohola ibandla le Jesus Love Church uthe lenkonzo izoqala ngomhlaka 7 okungolwesihlanu kuze kuyoba isonto lomhlaka 9 kulenyanga  esikuyo esikoleni I Simandlangentsha Higher Primary School eNcotshane esigcemeni sakwa B nalapha kuzobe kungenwa bhusende. eqhubeka okaMzilankatha uqinisekisile ukuthi lenkonzo izobe izimaziswe ngosaziwayo abafana no Vusi Thanda owaduma ngo Tshawe emdlalweni wamahlaya owawubizwa ngokuthi Emzini Wezinsizwa, abaculi abafana no Thabile Myeni no Donny Ngwenyama wengoma ethi "Basheshe bahleka" nabanye abaningi nathe umphakathi uzozibonela bona"

lenkonzo ezoqala ngehora lesithupha kusihlwa izobe ibophele abafundisi abafana no Mfu Jeffrey Ndlangamandla, Mfu Donny Ngwenyama no Mfu N Mkhize, umculo uzobe utholakala njengoba kuzobe kunabaculi abaningi ne Pongola Gospel Wagon izobe iqhulula amanoni ayo eyaziwa ngawo.

useshiyile uGaddafi kuGenerations

Umlingisi we Generations- The legacy uMnu Vuyo Dabula odlala indawo ka Gaddafi Phakade usecele ukukhululwa kulomdlalo owuchungechunge odlala ku SABC 1 ngehora lesishiyagalombili ebusuku kusukela ngoMsombuluko kuze koshaya uLwesihlanu.

lensizwa enomzimba ololongekile nabazifelayo ngayo abantu besifazane kubikwa ukuthi ucele ukukhululwa ngoba kuneminye imisebenzi afisa ukuyiqhuba lezindaba zikhishwe uphiko olubhekele ezokuxhumana kuwona lomdlalo osushaya ibuya kwazise uke wangabonakali emoyeni izinyanga ezintathu emva kokuxoshwa kwabalingisi abawu 16 kubangwa amaholo.

bekungakadalulwake ukuthi uzogcina nini ukubonakala kulomdlalo uGaddafi noyimpunyela kulomdlalo onababukeli abalinganiselwa ku 7 million

luyangokujiya olokudliswa ushevu kukaMongameli

lubukeka lujiya udaba lokuthinteka kwenkosikazi kaMongameli umaNtuli lokuthi unesandla ekudliseni ushevu uMongameli wezwe uMnu Jacob Zuma ngonyaka ophelile.

kubikwa ukuthi nedokodo lokuthi aboshwe selikhishiwe kodwa lisagcinwe uphiko lokushushiswa komphakathi I NPA kuze kuphothulwe uphenyo olwenziwayo kwazise kunabathintekayo okuthiwa bakhishwa ngumaNtuli ngesikhathi kwenziwa uphenyo ngokusho kwe city press yangesonto.

nakuba ephike walala ngomhlane uMnu Luvuyo Mfaku uma ebuzwa yicity Press ukuthi ngabe bayalwazi yini udaba olufana nalolu. lumjiyela  nje loludaba lukashevu umaNtuli vele akasekho nakwaZuma kwazise umndeni wakwaZuma wanquma ukumbuyisela kubo kwaNtuli kwathiwa akayolanda yenhlawulo ngenxa yokungaziphathi kahle. selokhu agana kwaZuma  kuno
hide lwezinkinga noma izehlo ezibikwayo ngaye kuzokhumbuleka ukuthi nango 2010 kwasabalala izindaba zokuthi uzale ivezandlebe naligaxa kuMsholozi kodwa zibe izimpukane eziluhlaza zilikhomba kunogada kaMongameli uMnu Phinda Thomo nowagcina ezibulele.

luyaqala ushikishi lwe MTN 8 namuhla

 

luyasuka ushikishi lwemidlalo yokuqala konyaka webhola eMzansi njengoma kuzothi namuhla kuqale imidlalo yomqhudelwano obizwa nge MTN 8 lapha kusuke kugadulisana amaqembu aqede esendaweni yokuqala kuze kuyoba sendaweni yesishiyagalombili emidlalweni ye ligi. lomqhudelwano onesamba sika 8 Million wamarandi nenkomishi ugcine unqotshwa yiqembu le Kaizer Chiefs ngonyaka ophelile ngegoli elilodwa eqandeni ishaya I Orlando Pirates nokuyigoli elashaywa ngu Tefu Mashamaite osengumantuntanendishi kumanje ngenxa yokungavuseleli inkontileka yakhe neqembu lamakhosi

lemidlalo kulindeleke idonse amehlo ezibukeli kwazise imidlalo yokuqala lena esemthethweni ezobe idlalwa ilamaqembu, umdlalo we Orlando Pirates ne Ajax kulindeleke ukuthi ushise kwazise ezikaMagebhula asikwazi ukuphumula njengoba zilokhu ziqhubeka nokudlala ku CAF Confedarations Cup nokulibeke kwelihle izinga lokulolongeka komzimba kwabadlali bezimnyama, ezika Tinkler zizoya kulomdlalo ngaphandle kuka Rooi Mahamutsa, Thabo Matlaba, Thamsanqa Gabuza no Kermit Erasmus.

omunye umdlalo obhekwe ngabomvu ophakathi kwe Kaizer Chiefs ne Marizburg United lomdlalo kwazise kuzobe kungumdlalo wokuqala womqeqeshi omusha waMakhosi uSteve Khompela obeqeqesha yona kanye iMarizburg United nesiqeqeshwa ngobeyiphini lakhe uMandla Ncikazi.

kuzophinda kulindelwe umdlalo wamagqubu phakathi kwe Celtics ne Mamelodi Sundowns kwazise iCeltic yaphendula iSundowns abafana besikole ngesikhathi ibabhudluza ngo 5-0 emdlalweni weligi ngesizini edlule



isiyonke lemidlalo ime kanje

namuhla ngolwesibili        04/08/2015


               Orlando Pirates v.s Ajax CT
                 Orlando Stadium eSoweto




          Bidvest Wits v.s Supersports United
                         Bidvest stadium




kusasa ngolwesithathun       05/08/2015


                  Kaizer Chiefs v.s Marizburg United      
                         FNB Stadium



      Mamelodi Sundowns v.s Bloemfontein Celtic
            Loftus Stadium




yonke lemidlalo iqala ligamenxe ihora lesikhombisa kusihlwa
 

bekuphume nesidolo kufihlwa iNDIDANE

babalelwa ku 50 000 abantu abebozozima umndeni wakwa Gcwensa izolo ngesikhathi kufihlwa indodana yawo ebicula umaskandi uMtshengiseni Gcwensa obedume ngokuthi isichomane, iNdidane noma isipiklapiklane.

lomculi odlule ngomsombuluko evikini eledlule esesibhedlane sase Dundee emva kokugula isikhathi eside ephethwe isifo sofuba ufihlwe emzini wakhe obizwa ngokuthi kuKwadlulujeqeze olaphaya endaweni yaseMngeni eMsinga.

 

lomgcwabo ugcine usuphenduka idili lomculo ngoba izimoto namatekisi obekuhamba abalandeli beNdidane bekusho phezulu izingoma zalensizwa. amaduku ebephephezela phezulu anobuso balensizwa esikhiphe amacwecwe abalelwa ku 23 yawola nezindodo eziwu 18 nezimonto ezimbili azinqoba nesigcini ezibiza uR24 000,

kuthe mase kuyiwa emangcwabeni kwaya abomndeni nezikhulu ezithile kuphela kwathi bonke abebesenkundleni yesikoleni iSakhisizwe Primary School lapha bekunenkonzo yokumfihla basale bezitika ngengoma ebiqhululwa ngabaculi abehlukahlukene bakamaskandi.

umfoka Gcwensa ushiye emhlabeni izingane eziwu 9 nezingoduso ezimbili

kusule esinye isikhulu esiphezulu ngenxa yombombayi wesitifiketi

umnyango wezamaphoyisa kuleli I SAPS isikuqinisekisile ukuthi lowo owayeyisikhulu sezobunhloli uMnu Chris Ngcobo usesulile kulombutho emva kophenyo lwangaphakathi olumthole ukuthi isitifiketi sebenga leshumi athi unaso ngesomgunyathi.

uNgcobo selokhu amiswa emsebenzini ngonyaka ka 2013 ngesikhathi kuqala uphenyo lokuhlola izitifiketi zazozonke izikhulu. sekuyintsakavukela umchilo wesidwaba ukusula kwezikhulu zeminyango kahulumeni ngenxa yokusenga ezimithiyo ngemfundo yazo kungaka pholimaseko lowo obeyisikhulu esiphezulusenhlangano ebhekele ezezitimela iPRASA uMnu Daniel Mthimkhulu naye usanda kusula ngenxa yokusenga ezimithi ngezitifiketi athi unazo, lolukhondolo lwezitifiketi ezingekho ludla lubi kulezinsuku.

kuyakhanya ngemidlalo yama olympics kuma Glug Glug

iqembu lesizwe labaneminyaka engaphansi kwengu 23 eliteketiswa ngokuthi amaglug glug lizibekele indawo emiqhudalwaneni owendlalela ama Olympics azodlalelwa eBrazil ngonyaka ozayo. abafana baka Owen dA Gama bashaye izwe lase Zimbabwe ngamagoli amathathu eqandeni okungamagoli ashaywe ngu Keagan Dolly ogijima ku Mamelodi Sundowns amabili nelilodwa elishaywa ngu Gift Motupa we Orlando Pirates. umzansi udlule ngo 4-1 masekuhlanganiswa imidlalo yomibili kwazise kowokuqala owawudlalelwa kwelika Mugabe okuyi Zimbabwe kwaba ungophansi nongaphezulu nokwenza umdlalo waphela ngo 1-1 okwaba ngu Keagan Dolly no Walter Musona abashaya amagoli alamazweamabili,

amaglug glug azoyodlala eSenegal emqhudelwaneni obizwa nge 8 Nations Tournament ozodlalwa kusukela ziwu28 ku November kuze kuyoba umhlaka 12 kuZibandlela okuwu December ngolimi lwasentshonalanga.

kuphinde kwakhonya ezimnyama ku Carling Black Label

ziphinde zaba ngompetha benkomishi ye Carling Black label ezimnyama okuyi Orlando Pirates ngokuqumba phansi izimbangi zayo I Kaizer Chiefs ngo 3-2 sekukhahlelwa amaphenathi emva komdlalo ophele ngo 1-1 okube yigoli elishaywe uSfiso 'Nsunda' Myeni obekuyi Free kick ngomzuzu ka 19 emva kokudlaliswa kabi kuka Thamsanqa Gabuza kwase kuthi ngomzuzu ka 55 yalinganisa I Kaizer Chiefs ngonyawo luka Reneilwe 'Yeye' Letsholonyane emva kwenhle inikanika eyenziwe Amakhosi.

uMbhashomnyama okungesinye sesiteketiso se Orlando Pirates usuyinqobe ihlandla lesine lomqhudelwano selokhu waqala eminyakeni emihlanu edlule. unozinti we Orlando Pirates uBrilliant Mhlongo ube yiqhawe ngesikhathi e amaphenathi amabili okube ngeka Yeye Letsholonyane ne Keagan Ritche osebuya isibili kuMpofana emva kokuhamba ngo 2013 kwathi kwezimnyama yagejwa ngu Patrick Phungwayo oyigudlise ipali yaye yayoshaya amabhodi ezikhangiso. lomdlalo obushisa uphele engasekho uThamsanqa Gabuza ophume eseqhugeza emva kokudonseka isicubu sethanga. lomdlalo bese kungoka 101 ku kaputeni wezimnyama u Oupa 'Ace' Manyidsa engakwazi ukuphumula kuleminyaka emibili okudalwe ukuthi ezimnyama zidlale ku PSL, Nedbank cup, MTN 8, Telkom Knockout, CAF Confederations cup ne Carling Black Label cup