Uvikela umbuso wabamhlophe u Pravin - ANCYL KZN

Ubuholi obuqedwa kukhethwa buka Khongolose buthi abusamthembi u Pravin Gordan nonguNgqongqoshe wezezimali kuleli nemsola ngokuvikela amabhizinisi abamhlophe.

Lenkulumo nebithulwa nguNobhala Jikelele osanda kukhethwa uThanduxolo Sabelo uthe bona njengentsha kakhongolose bayameseka lowo osanda kufungiswa njengelungu lePhalamende u Brian Molefe ekutheni athathe isikhundla sika Pravin kwazise uMolefe bambona njengomuntu ozosindisà ezwe.

UMolefe nowayeyisikhulu esiphezulu sakwa Eskom washiya kulenkampani ephehla ugesi emvakombiko kalowo owayenguMvikeli womphakathi uThuli Madonsela wokuthi wayenokuxhumana isikhawu eziningi nesinye sezigwili zakwa Gupta nezisolwa ngokuzixebulela nokuzilawulela kuhulumeni wakuleli.

Bukhethiwe ubuholi bentsha ka ANC KwaZulu Natal

Inhlangano ka ANC esifundazweni sakwaZulu Natal igcine ibukhetha ubuholi bayo ngolwesihlanu ebusuku kungqungquthela ebibanjelwe eThekwini.

Bukhethwe kanje ubuholi bakulesifundazwe
 Kwazi Mshengu - Chairperson;
Sbo Thembela Hlabangane - Deputy Chairperson;
Thanduxolo Langelihle KaMduduzi Sabelo - Secretary;
Nomfundo Zwane-Dlamini - Deputy Secretary;
Verus Thobelani Ncamphalala - Treasurer.

Ubingelele nge Draw omusha we Pirates

UMqeqeshi oMusha we Orlando Pirates uMnu Kjell ubehleli okokuqala ebhentshini ngesikhathi iqembu lakhs libhekene ne Polokwane City emdlalweni we League nophele ngo 1-1 e Orlando Stadium.

Bebeyikake la ingalele khona abalandeli ngomqeqeshi omusha wePirates

USihlalo weqembu le Orlando Pirates ubadide wabaqeda abalandeli baleliqembu ngesikhathi ememezela uMqeqeshi ozothatha izintambo kwezimnyama namuhla esithangamini sezindaba.

U Iron Duke nokuyisiteketiso sika Khoza umemeze u Kjell Jonevret   njengoMqeqeshi omusha wezimnyama. Lomqeqeshi odabuka kwelase Sweden no kun gang ablaze in ukuthi iningi labalandeli bayaqala ukuzwa ngaye kubikwa ukuthi wake waqeqesha uSyabonga Nomvethe ngeminyaka yo 2005 esagijima Kuqembu lakhona eSweden nelake lagijinyelwa uLance Davids kanjalo no Mark Mayambela I Djurgarden FC.

Iningi labalandeli bebhola kuleli bese bebaningi abaqeqeshi abebamatanisa nalomsebenzi owalaxazwa uMuhsin Etugral ngonyaka ophelile bekuvela igama lika Benni Mccarthy, Dane Malesela,Solinas nabanye abaningi.

Lomsebenzi ubusabanjwe ngu Augusto Palacious nobesizwa u Bradley Carnell okubikwa ukuthi useshiyile kwezimnyama indawo yakhe izothathwa u Harold Legodi wodumo lwaku Mamelodi Sundowns ngesikhathi isadlisa nge Shoeshine and Piano.

 

Uphinde wadedela isigubhu uBlaq venomous/Feleba

Umdidiyeli womculo we house nobuye Abe ngu DJ u Sfiso "Blaq venomous/ DJ Feleba" Dlamini udedele esinye isigubhu kungoma yakhe enza ethi uMaqondana nalapha apike Khona insizwa ebizwa ngo Goodman kanjalo nentokazi engu Ntomza.

Lensizwa eyaziwa ngokudedela igqomu yayikade ithembisile ukuthi kukhona esakupheka ngesikhathi ikhuluma me NPG newsblog ngonyaka oPhelile.

Lengoma yalensizwa yasoPhongolo isiqalile ukuzwakala eziteshini zomsakazo zomphakathi kanjalo iyatholakala kuma website omculo wamahhala.

Iyizingqungqulu zase Afrika I Sundowns

IMamelodi Sundowns iqhubekile nokuzibhalela umlando omude kwezebhola e Afrika nasemhlabeni wonke jikelele ngesikhathi inqoba i Super cup nokuwumdlalo odlalwa yileloqembu elinqobe indebe ye Champions league kanjalo naleli elinqobe i Confederations cup nokube yi TP Mazembe yase DRC.

Abafana bestayele okuyi Sundowns inqobe lomdlalo ngo 1-0 nokube yiphenathi edalwe yileliqembu lase DRC nengqomfelwe phakathi ngumdlali odabuka eBrazil u Nascimento.

Leliqembu lempunyela uMnu Patrice Motsepe libonakala nakulonyaka lingalususile unyawo emafutheni njengoba lilokhu linqoba imidlalo ubuthaphuthaphu yeligi nelizama ukuvala igebe kwazise lisalele emumva njengoba belibuye libambezeleke emidlalweni ye Champions league.

Inkondlo ebhekiswe Ku Lundi Ngu Senzo Mathebula

Ngaphambi kokuthi ashone,
Wabhala ingoma,
Ethi mphefumulo wami uyophelelaphi na?
Kanti usuzoshiya emhlabeni umfoka tyamara,
Ngakho-ke Rest in peace lundi,
Iqhaza obulibambile emhlabeni likhulu,
Yize noma ukuhamba kwakho kube ngendlela ebuhlungu nene sihluku,
Abanye bashaya izandla bathi umphefumulo ngathi ungalala ngokuphumula,
Nceku emhlabeni uculile,
Nkosi Ngezinsizi zalomhlaba mphefumulo wami uyophelelaphi na,
Iithi ibhayibheli la emhlabeni asakhile sonke singabokufika,
Ngelinye ilanga kithi sonke ukufa kofika,
Alwehlanga lungehlanga tyamara nathi ngelinye ilanga sofika lapho,
Ang'thuki njengoba uthule,
Mina ngsabusiswa ngowakho umculo,
Umculo wakho mfwethu uyafana namagama enduduzo ngawo siyaduduzeka.
Uyasiphilisa,Noma ngabe sekutheni,Noma ngabe sekunjani kodwa ithemba lami lohlezi likuwe jehova,

I.G@senzo_mathebula
E.g@senzohdapoet
0734427605

Sekuhlukane inhloko nesixhanti Ku Gymah ne Orlando Pirates

Umdlali obethathwa njengenye yezinsika zeqembu elibhedelwa yizinto kulezinsuku I Orlando pirates okungu Erdwin Gymah wehlukene naleliqembu laseGoli.

Lomdlali odabuka ezweni lase Ghana nobe seqenjini lesizwe ebelidlala Ku Afcon selokhu ibuyile imidlalo yeligi kuleli akakaze abonakale nakanye emidlalweni emithathu esidlalwe ileliqembu.

Ngokwesitatimende esikhishwe yiqembu lomdlali owafika kweznyama esuka Ku Supersport United uzicelele ukukhululwa kulezinkunzi zase Soweto.

INHLEKELELE YENGOZI ENTABENI YAKWAMLOGO 

SEKUPHINDE KWABE NESEHLAKALO ESISHAQISA UMZIMBA KWAMLOGO. LOKHU KWENZEKE NGEMUVA  KOKUTHI I TRUCK INGALAWULEKI IVELE IZIPHONSE EMOTWENI ENCANE I FORD BANTAM. SEKUJWAYELEKILE LOKHU KULEYA NDAWO NJENGOBA SEKUNE ZEHLAKALO EZININGI EZENZAKALAYO KULEYA NDAWO MAKUKE KWANA IZULU. AKUKAPHAWULWA KULOMZUZU UKUTHI BANGAKHI ABANTU ABA SHONILE KULENGOZI. ABAHAMBA NGO N2 BAYALAYEZWA UKUTHI UMGWAQO USA BHIZO

I ANCYL isiphosele inselelo kuDube Ncube kolwezinkinga eMkhanyakude

Uphiko lwentsha kwi ANC okuyi ANCYL eMkhanyakude seluzwakalise ukukhathazeka ngendlela okusebenza kukamlawuli kulomkhandlu. I ANCYL I size yaphoqeleka ukuthi inhale incwadi iyibhalele ihhovisi likangqongqoshe womnyango wezokubusa nokubambisana ngezindaba zobuholi bomdabu uNkosikazi Nomsa Dube Ncube ukuba likhiphe umlawuli kulo mkhandlu ochazwe nje gokhungethwe izinkinga. Unobhala weAncyl eMkhanyakude uMnuz Thobelani Ncamphalala uthe konke okwenzeka kulokhandlu akubaphathi kahle" selokhu lomkhandlu wakhungathwa izinkinga kusukela ngenyanga kaMfumfu ngo2015 mhla kuqokwa uMnuz Mutton Sithole ukuthi abeabe ngumlawuli walomkhandlu, sikhatheinkohlakalo,ukukhishwa kwamatender ngendlela engafanele,ukungaxazululeki kwenkinga yamanzi,ukudliwa kwezimali zomkhandlu kanye nokungacaci ngokusebenza komkhandlu" bekusho uNcamphalala. Eqhuba uthe babhale incwadi ebinikeza uDube Ncube izinsuku eziyisikhombisa ukuthi ayiphendulo aphinde athathe isinqumo ngoMnuz Sithole.kuvela loluphiko lukhuluma kanjena nje umkhandlu oseMkhanyakude usuze waphenduka undaba mlonyeni ngodaba lwabahlali abeswele amanzi. Ngonyaka owedlule abahlali baseMkhanyakude babamba imibhikisho eyabe inodlame bekhala ngokugqoza kokunikezwa ngezidingo ngqangi okwabe kufaka phakathi innings yamanzi. Umphakathi wagxeka ibukhona bedamu laseJozini kodwa elingaphakeli abahlali ngamanzi.

neWits ayisalanga ngaphandle kwabazixebulela emkhomeni ose Orlando

Iqembu le Bidvest Wits lifike laxebula nalo amaphuzu amathathu kuqembu le Orlando Pirates nesiphenduke okudla kwenduku kusukela lafakelwa iqembu le Supersports United ibhadi lokuyixebula ngo 6-1 ngonyaka ophelile.

Amabhakaniya eza kulomdlalo nokungoweshumi lingakaze lanqoba libuya esibhaxwini sika 6-0 libhaxabulwa yi Mamelodi Sundowns nalapho umdlalo waba nezidubedube amalandeli bengena enkundleni .

Leliqembu elizobe ligubha iminyaka engamashumi ayisishagalombili lasungulwa libhinjelwa yizinto nje alinamqeqeshi kulokhu kusabambe u Augusto Palacious nosebambe izintambo kusukela kwashiya uMuhsin Ertugral emva komdlalo ne Supersport United.

Akwaziwa mbhantshi kujiya kuleliqembu lase Soweto nelaba ngompetha base Afrika ngo 1995 njengoba uSihlalo wayo uMnu Irvin Khoza ethe uzomenyezelwa ngomsombuluko ozoqeqesha leliqembu.

ithimba lezezinhlakelele selime ngomumo ngenkanyamba ezayo

Ungqongqoshe wezokubusa nokubambisana KwaZulu Natal uNkosikazi Nomusa Dube umaNcube uthi amathimba abhekele ezokutakula nabosizo oluphuthumayo sebeme ngomumu ukubhekana nenkanyamba ebizwa ngokuthi ngu Dineo okubikwa ukuthi izohlasela enhla nesifundazwe sakwa Zulu Natal kusasa. Kulindeleke isiphepho esinamandla nesizohambisana nezikhukhula.

Lenkanyamba okubikwa ukuthi iqhamuka ezweni laseMozambicue isiqalile ukubonakala kulelalizwe nalapha kubikwa Khona ukuthi mningi umonakalo ewudalile.

UMongameli wase Melika ube nengxoxo ekhethekile nowakuleli

UMongameli wase Melika uMnuz Donald Triump izolo uthathe ucingo waluhloma kuMongameli wakuleli uMnu Jacob Zuma nobekuhambisana nokubungazwa kosuku lwezwekazi lase Africa.

LaboMongameli babengxoxo ekhethekile nokubikwa ukuthi kuningi abakuxoxile nokufaka phakathi ezomnotho kanjalo nokusebenzisana ezintweni ezithinta ukuhwebelana phakathi kwalamazwe amabili.

Kuphinde kwayi Six Mabone kwezimnyama zishaywa elasePitoli

Iqembu le Orlando Pirates liphinde lathola ayisithupha kwelinye iqembu lase Pitoli nokuyi Mamelodi Sundowns ngomgqibelo ntambama emdlalweni we PSL.

Ezimnyama nebezikhangula abadlali bazo abathathu ebathenge Ku Chippa United ayilibonanga elidlalayo ngoba zithe ziya ekhefini bese zivele zopha ngamagoli ka Themba Zwane no Percy Tau nokuthe makubuywa zathola amane okube iPhenathi eshaywe u Nascimento ngamabili ka Thapelo Morena nelilodwa Lima Percy Tau nokuthe uma kuqeda kungena elesithupha kwamnyama inkundla abalandeli be Orlando Pirates begcwala enkundleni beyozibambela mathupha kubadlali nakubamba mqeqeshi uMnu Augusto Palacious, lesisenzo sabalandeli sishiye kunomonakalo omningi nokuze kwasiza ukungenelela kwamaphoyisa nafike aqhumisa isisi esikhalisa umnyembezi nesisize ukuhlakaza isixuku wakwazi ukuqhubeka umdlalo nobese kusele amanenjana emizuzu.

Sisekuyo eye PSL iqembu le Kaizer Chiefs liqhubekile nokwenza kahle kwasize linqobe iMarizburg United ngo 3-1 kwathi kumdlalo womkhaya obuphakathi kwe Cape Town City ne Ajax Cape Town kwanqoba I CT City ngo 2-0. EThekwini I Lamontville Golden Arrows inqobe ngo 2-1 Ku Bloemfontein Celtic.

Akleliswe phezulu kweyosuka olulodwa ama Proteas

Iqembu lesizwe lekhilikithi lakuleli neliteketiswa ngokuthi ama Proteas likleliswe laba sendaweni yokuqala kumidlalo yosuku olulodwa phecelezi ODI emva kokuhlula izwe lase Sri Lanka emidlalweni emihlanu nebidlalwa yilamazwe amabili kusukela ngenyanga eyedlule.

Lelizwe neliholwa ngu AB De Vililiers liyigojele izolo lemidlalo nalapha libhaxule I Sri Lanka ngemigijimo engu 88 nokuyiwona mdlalo abakwazi ukuziqoqela amaphuzu ngaphambi kokuthi behambe beye ezweni lase New Zealand nalapha beyodlala imidlalo eminingi yochungechunge kanjalo neyosuku olulodwa neyoba yandulelwe yi T20.

Kuqhume mpama, nqindi nesililo ethula eyesizwe uMongameli wezwe

Kuphinde kwaba nokuthuthana ngamandla phakathi kwe EFF nabezokuvikela ephalamande izolo ebusuku ngesikhathi kuzokwethulwa inkuluma yesizwe phecelezi i State of the Nation.

Kuke kwaphazamiseka isikhathi esingangehora nalapha amalungu eEFF ne DA bephazamisa esathi uyaqala uMnuzane uZuma nalapha bebethi akakwazi ukuba sephalamende ngenxa yokuthi akumfanele ukuhola isizwe ngendaba yemali eyakha umuzi wakhe oseNkandla.

Lomdonsiswano uze wajiya ngesikhathi sekucelwa abezokuvikela ukuba bekhiphe amalunga e EFF navuke umbhejazana alwa kwashaywana ngomakalabha nangezibhakela. Kunele kwakhishwa ezikaMalema kwavuka iDA nayo ephazamisile yagcina iphumile ephalamende. Kanti vele ngaphambilini kuqale kwakhishwa uMnu Will Madisha we COPE nokuthe ogcine ukuduba lomhlangano kwaba yilungu le AGANG.

Iqhubekile inkulumo kamongameli nalapha ithinte khona izinto ezifana nokufukulwa komnoyho wakuleli kanjalo nokwakhiwa kwamathuba emisebenzi nezemfundo

Bekungathi aphoswa ngesandla amagoli kweye PSL

Abengena ingathi aphoswa ngesandla amagoli emidlalweni ye PSL ebidlalwa izolo nokuyimidlalo okungeyesiwombe sesibili seligi emva kokuphumula ngamaholidi kakhisimuzi kanjalo nekhefu elidalwe imidlalo ye Afcon nebibanjelwe eGabon nosekuwumlando ukuthi ithathwe izwe lase Cameroon.

Lemidlalo yalapha ekhaya nebisilambekwe izinkumbi zabantu ibithe chithi saka izolo njengoba I Kaiser Chiefs ikhalakathisele amagoli amathathu kwelilodwa ishaya I free State Stars.

Kwathi iBidvest Wits yashaya I Ajax Cape Town ngo 5-0, kanti iChippa United izithathele amaphuzu amathathu Ku Baroka United ngo 2-1. Kwathi iCapetown City iqhubekile nokuziqoqela amaphuzu abalulekile njengoba ithele I Highlands Park ngo 3-0

Yigolide leli akuwona umbombayi - Igcokama elisha

Umculi kaMasakandi uMthandeni 'Gcokama elisha' Manqele uthi umona ophethe lava abahambe bethi akusilo igolide leli abeliphethe elitshengisa ukuthi usedayise amacwecwe angaphezu kuka 16000.

Lomculi osezakhele udumo ngezingoma ezinomlayezo ubeyokhombisa abalandeli bakhe leligolide kanjalo nezimoto zakhe ezintsha ceke eThekwini ngempelasonto

AKUGEJI sizomphazamisa uzuma Ku SONA- EFF

Iqembu me Economic Freedom Fighters lithi nakulonyaka lisazoqhubeka nokumphazamisa uMongameli wezwe uma esethula inkulumo yesizwe ngomhlaka 9 kwephezulu ephalamende ekapa.

Leliqembu eliholwa nguMnuz Julies Malema likhuluma kanje sekuyaziwa ukuthi vele hlezi limphazamisa umongameli wezwe uma ekhuluma nalapha lisuka livele limemeze lonke kanye kanye.

Kubikwa ukuthi ezokuphepha zoba ziqinile kakhulu kulomncimbi kwazise ngonyaka ofile kwaze kwaqhuma nequpha kududulana amaholi be EFF nonogada basephalamende.

Iqede ishobolo leminyaka iCameroon

Izwe lase Cameroon liqede ishobolo leminyaka lokunganqobi I African Cup of Nation nelayigcina ngonyaka ka 2002.

Ama domicable lions nokuyisiteketiso seCameroon athathe lenkomishi ethathwa njengenkulu kunazozonke ezwenikazi lase Africa izolo ebusuku ezweni lase Gabon nalapho elinqobe Khona ngamagoli amabili kwelilodwa beshaya iqdmbu lesizwe lase Egypt.

Inkondlo no SenzodahPoet

Mina Ngizokuthanda yize uthando sebethi luphumile estayeleni,
Abanye nabanye sebaludayisa ngemali encane emgwaqeni,
Mina ngizokuthanda yize kunjalo anginandaba nabazongikhuluma bengisho ngamagama,
Ngoba sthwandwa olwakho uthando mina ngiluzwa ngaphakathi,
Ngifuna sithandane kumhlaba wonke size siphenduke isibuko sothando,
Sibe ngama role model kubantu abashiswa uthando, bebukele k'thina,
Yaz' baby,ungichaza ngalendlela yokuthi ngijabula noma ngibona anything elinka kuwena,
Ngiyazi abangazi babhizi bayakhuluma emahontshini bathi intando,
Kodwa uyazi love kim usenhlizweni uphila ngaphakathi,
Kunestayela esithi uthando,uthando ngoba inhliziyo enothando,
Kodwa ngizwa ngathi umzimba onothando,
Ay' mina anginankinga noma singabanga nalolothando olusestayeleni,
Okuke kuyiwe kulo kwamhlanga,
Just ukuyodla nje I beef n' curry,
Lolu oluyi show off okubhalwa kuzo nezimpahla ngamagama amakhulu ukuthi bae,
ay' yazi mina angidingi ukugqoka izingubo ezinde ezimhlophe or isudu enokumnyama nokumhlophe,
ukuze ngiprove kumhlaba ukuthi uwumuntu wami woqobo,
Cha noma thina singahluka kulesitayela sabo,
Noma thina singaba wongoma uyayona sihluke kulendlela yabo yothando,
Sithandane singagijimisi imali,
Silwele uthando ay' ubukhazikhazi bezinto ezibizayo,
Ngoba ekugcineni siyokhala,
Sthandwa sami mina ngifuna sihluke,
Yonke into siyenze ngokubambisana,
Uma ngingekho uze ungikhumbule ukuthi ngingedwa,ungalingeki,
Ngoba lomhlaba unesihogo sesilingo,
Sthandwa sami mina ngifuna sihluke kwabanye,
Uthando lwethu lunganciki phezu kwent' ethize,
Ungangithandi ngoba ufuna ok'thile,
Kuthi uma sekungasekho uhambe uyofuna ongak'siza,
Cha ngifuna sithandane kubi ngathi siyabukisa,
Sithandane size siphenduke izilima phezu kwezi hlakaniphi,
Sithandane lize izwe libukele kithina,
Sibambisane,
if we do that I'm sure all types of media on the day of 14 will be talking about us,
Ngifuna ukungadumi ngenkondlo,Ngidume ngothando,
Yazi sthandwa mina ngfuna ukuhluka nje kulabantu,
Happy valentines people
(senzo_mathebula)
LOL
Senzohdapoet

Kubukeka engezukufihlwa ngobuhulumeni uLundi Tyamara

Lowo obengumculi wokholo ulundi Tyamara kubukeka umngcwabo wakhe ungeke uzuxhaswe uhulumeni njengoba kwenzekile koka Sfiso Ncwane no Thandi Klaasen.

Ngokombiko wamaphephandaba lomculi odlule emhlabeni ngenxa ye TB yesisu kubikwa ukuthi asikho isikhulu sika hulumeni esike sabathinta ngokuthi lomngcwabo uzothathwa uhulumeni.
Nakuba uNgqongqoshe wezobuciko uMnuzane Nathi Mthethwa eke wayobhonga emswaneni.

Ulundi uzofihlwa kusasa ekhaya kubo eWorcester eNyakatho kapa.

Sebebhemisana iNyaope ngegazi

Izolo kuqubuke izindaba zokuthi sekukhona indlela entsha yokubhema inyaope kumabhemi bayo okuwukuzijova ngegazi lalowo oseyibhemi uma usugagadekile.

Lezindaba ezibikwe Times live izolo kuthiwa labor abanganayo imali yokuthenga lesisidakamizwa bayaye becele kulowo osebhemile ukuthi abajove ngegazi lakhe kwazise lona lisuke selidakwe ilesidakamizwa nesesiyiqedile intsha eningi kuleli.