Udle ubhedu oweNongoma Fm kowama young achievers awards

 umklomelo omkhulu wokuba ngumsakazi ovelele phecelezi Best Radio Presenter kuma Young Achievers award nabebanjelwe eThekwini ngempelasono. namanje  usalokhu ezincinza ngenxa yokuthi akakholwa uMnu Chris Ndamase ongumsakazi wosakazo okhula ngesivinini iNongoma FM.

Lensizwa esencane nedabuka eMondlo ikhuluma ne NPG newsblog ithe "kuyangijabulisa kakhulu ukuqokwa njengomsakazi ovelele namanje angikholwa, ngijabule kakhulu ngoba ukusakaza ngikhule ngiyithanda neyiphupho lami".

Umfoka Ndamase nosakaza uhlelo lwasekuseni ubonge wanconcoza kuMphthisteshi uMntwana Sbo Zulu namchaze ngokuthi uyena muntu angasoze amkhohlwe empilweni yakho ngomnika ithuba lokusakaza.

Kubukeka eya kude ngokuba ngemumva kombobho njengob ethi isifiso sakh ukugcin esakaze emisakazweni engenisa inzuzo ngelinye ilanga.

Kudlule omunye wabasakazi ababamba iqhaza kumsakazo iMaputaland

Lowo owayesakaza uhlelo lwezingoma zamzukwana u Nkosazana Thembeka Mafuleka nowayedume ngelika Evwrsmiling udlule emhlabeni emva kokugula iaikhathi eside.

Lentokazi ebalwa nabanye bezinsika zalomsakazo wasenyakatho nekwaZulu Natal yazeyathatha izinqumo sokuyeka ukusakaza ngenxa yakho ukugula lokhu okugcinw kuyihambise koyise mkhulu.

Ukudla komphefumulo no Apostle BM Buthelezi Zoe Christuan Fellowship International

U-ISAYA 40:29-31 Nguye omupha oyethileyo amandla, nakongenamandla uyandisa izikhwepha. Izinsizwa ziyaphela amandla, zikhathale, nabasha bawa nokuwa, kepha abamethembayo uJehova bayathola amandla amasha, bayakhuphuka ngamaphiko njengezinkozi, bagijime bengakhathali, bahambe bengapheli amandla.

UNkulunkulu akanayo inkinga ngokuphendula imikhuleko yethu kodwa unenkinga ngabantu abangakwazi ukulinda. Miningi imikhuleko osuyikhulekile kodwa kubonakala kuhamba isikhathi. Ungakhathazeki.
 Linda kuJehova. Abanye impendulo yabo ifika sebesukile endaweni abebekindele kuyo. Ungasuki endaweni yakho isicelo sakho siyalungiswa.

Ne orlando Pirates ilale isiliwashile ijezi kowe MTN8

Kungakapheli namahora angemangaki kuphume iKaizer Chiefs ne Platnum Stars emqhudelwaneni we MTN 8 ne Orlando Pirates nayo ibalandelile yayofola lakuwashwa khona amajezi.

Ezimnyama zibhabhadiswe iBidvest Wits ngo 2-1 izolo ebusuku. Sekulindeleke iqembu elilodwa elizodlala kowandulela amanqamu kwazise iWits, Chippa ne Cape town city sebezibekele indawo kweyandulela owamanqamu alomqhudelwano onesigidi sika 8million.

Namuhla kuzodudulana iSundowns ne Supersports United ePitoli ngehora lesithupha.

IPlatnum Stars nansiya iklele neChiefs endishini yokuwasha ijezi

Ngesikhathi isathi ithatha isigezugezu sensipho ikaizer Chiefs iwasha ijezi emdlalweni we MTN 8 kwazise iphume kusaphuma ilwezi kumqhudelwano ikhishwa iqembu elisasekwa ngendishi ukuze lihlale i Cape Town City ngo 1-0 izolo ebusuku kubonakale iPlatnum stars izofaka isinqe kuklele oluwashiswe amajezi alomqhudelwano onesizumbulu sika 8million kowunqobile.

IDikwena nokuyisiteketiso sePlatnum stars ikhishwe i Chippa united ngo 2-0 eRoyal Bafokeng Stadium nokuyinkundla yalliqembu lasebukhosini babafokeng.
Amagoli avulele iPlatnm stars okleleni lwendishinyejezi ashaywe ngu Rhulani Manzini no Menzi Masuku ochithwe i Orlando Pirates

Umkhankaso wokuqwashisa ngama yellow bone

Umnyango wezempilo oholwa ngu Dokotela u Sbongiseni Dlomo uzohola imashi ewumkhankaso oqwashisa ngomkhub ongenisile ezweni kubantu besifazane nabesilisa okukhanyisa isikhumba. Lemashi izoba namuhla eThekwini.

Lomkhuba osuwandile ezweni kubikwa ukuthi usuza ukapakela nasezinganeni ezincane ukusebenzisa leziphaquli okubikwa ukuthi zinobungozi obuningi obungaholela ekutheni umuntu ahlaselwe izifo ezifana nomdlavuza wesikhumba

Kuphakanyiswe elesibhuda futhi kwesokuvikela umphakathi

Kubukeka uzophinda uphathwe ngowesimame umnyango wezokuvikela kuleli ngesikhathi ithimba lamaqembu ezepolitiki elitshutshwe ukuba lipheke ngemibuzo abangenele inhlolokhono yalesikhundla esiwumgogodla wezwe bephakamisa igama lika Mmeli wesifazane u Busisiwe Mkhwebana ukuba kube nguyena ozongena ezichathulweni zikammeli uThuli Madonsela ozoshiya ngo November nonyaka.

Igama lika Mmeli umaMkhwebana kulindeleke ukuba liyonikwa uMongameli wezwe nokuyoba nguye oshoyo ukuthi ukuyamqoka noma cha.

Nakuba kusalindelwe uMongameli ukuba aliphefumulele leligama lika Mmeli ukaMkhwebana kodwa kubukeka vele kungekho okungavimba ukuqokwa kwakhe.

Kancane nje ngo Mmeli uBusisiwe Mkhwebana kumanje usebenza njengomqondisi ophikweni lwe Country Informatin and co-operative management emnyangwenibwezazekhaya noholwa ngu Mnuzane Malusi Gigaba kanti uke wasebenza njengenxula lakuleli ezeni laseChina kanjalo uke wasebenza emnywangeni wezangaphandle egxile ophikweni oluqondene nabangaphandle.

Kubukeka izoba umnqansa ibhakaniya kule sizini

Balale zithr kla izinhliziyo abalandeli beqembu le Orlando Pirates izolo ebusuku ngesikhathi ibhabhadisa i Golden Arrows ngamagoli amathathu kwelilodwa.

Umgadli odabuka eZimbabwe u Tendai Ndoro ugile imikhuba engomfela enethini amagoli amathathu ezimnyama kwathi elokusula umlomo le Arrows lishaywe ngu Nduduzo Sibiya.

Leliqembu lika Iron Duke ubaba u Irvin Khoza neligadla ngomqeqeshi omusha ceke u Muhsin Ertugral noyingwazi ekunqobeni imikhumulajezi lilele izolo lithe chwa phezulu kulogi ngamaphuzu amathathu nokulenza lihleke uhleko lwasemfuleni malibona izimbangi zalo iKaized Chiefs ethe choshosho endaweni yeshuminambili emva kokusutha induku ka 2-1 kuBidvest Wits ngolwesibili ebusuku.

Sisekuzo ezithinta ibhola nakuba ivale ngenduku emidlalweni yamaqoqo eCaf Champions league iMamelodi Sundowns izogijima ne Zesco Rangers yase Zambia emidlalweni eyandulela eyamanqamu.

Kuvuke inyama ogqokweni ku Kaizer Chiefs

Amathe abuyele kwasifuba kubalandeli be Kaizer Chiefs ngesikhathi iqembu labo libaphoxa emdlalweni wokuvula iligi ngesikhathi lithelwa othulini ngo 2-1 lishaywa iBidvest Wits izolo ebusuku eBidvest stadium.

Abalandeli bebenethemba lokuthi Amakhosi azovuka ezithathe kulesizini kwazise ngesizini ephelile aqeda esendaweni yesihlanu kanti nakuzinkomishi ayitholanga neyodwa.

Amagoli eWits ashaywe u elias Pelembe no Thulani Hlatshwayo kwathi elokusula umlomo le Chiefs lashaywa ngu Lorenzo Gordinho.

Kanti kweminye imidlalo kuhambe kanje Chippa United ibhaxabule i Free state stars ngo 2-1 kwathi omakoti i Baroka FC yabambana ne Ajax Cape Town ngo 1-1, kwase kuthi iqembu elisha ceke i Cape Town City yabingelela i Polokwane City ngo 2-0

Imidlalo ezoqhubeka namuhla imi kanje Orlando Pirates izokwamukela i Golden Arrows e Orlando stadium bese iPlatnum Stars ivakashelwe iSupersports United e Royal Bafokeng stadium kanti Celtc izovakashelwa iMarizburg united esinde kukubi ezembeni ngesizini edlule.

Sisekuzo ezithinta ibhola iMamelodi Sundowns iyivale kabi imidlalo yamaqoqo e Caf Champions league ngesikhathi ithola induku ka 3-1 ku Enyimba fc eNigeria izolo ebusuku.

Ugcine engcwatshiwe obedume ngelika SAVEYA

UMnuz Sabelo Siyaya nobedume ngelikaSaveya edolobheni lasoPhongolo ugcine engcwatshiwe ekhaya kubo kwaShoba.

Lowesilisa obephazamisekile ngokomqondo kubikwa ukuthi watholakala egeciwe walahlwa emobeni emavikini amathathu edlule.

Lensizwa ebedume ngokukhuluma isilungu nesibhunu  kanjalo nokushaya ama push up anenkosi phakathi kubikwa ukuthi uze watholakala esesemakhazeni ka Hulumeni oLundi nalapha kwakuyohlolwa khona isidumbu sakhe.

Ushaya ngobuso ubusha umasipala wasoPhongolo

Kuthe kufika impelasonto wabe usuphetgwe ubuso obusha umasipala wasoPhongolo kwazise bekugcotshwa amakhansela kanjalo nemeya, usoMlomo nosekela Meya ngolwesihlanu olwedlule.

Lomasipala owanqotshwa inhlangano ka ANC uwuphethe ngokuzimela lomaSipala obuphethwe ngokuhlanganyela yi ANC ne NFP kuhlandla eledlule.

Abaqokelwe kuzikhundla ezimqoka kube ilaba
UMeya uNkosazane Bawinile "Winnie" Mkhwanazi
Usekela Meya uNkoskz Busie Mvelase
USomlomo Mnuz Vusi Masuku.

kufezeka iphupho lokusakaza nezingwazi kowaseNcotshane

ukukhula ethanda abasakazi abafana no Linda Sibiya no Dj Sbu kufane nesibusiso ukuzithola esakaza nabo emsakazweni iVuma FM lowo ngu A.T Nkosi onguwokuzalwa eNcotshane oPhongolo.

lensizwa ezifelayo ngezemfundo kwazise yathola ithuba lokusakaza yenza imfundo ephakeme, iphupho lokusakaza lachuma isencane lensizwa kwazise yaqala ngokuphatha imicimbi yesikole nalapha yazakhela udumo ngokuba nomdlandla nomfutho kwezokuphatha uhlelo.

ukufakazela uthando lwezemfundo yingakho enenhlangano engenzinzuzo yezemfundo ebizwa ngokuthi yi A.T Nkosi Education Foundation esiza abantu abasha ngezemfundo nangamathuba abakhona uma umuntu efundile. lensizwa esencane isasenabo abazali bobabili kanjalo nodadewabo abathathu.

nakuba lensizwa yakwa Nkosi ingakaganw futhi ingakabi nangane eminyakeni emihlanu ezayo ifisa ukuzibona isinohlelo lwayo olukhulu nakuba manje isakaza uhlelo olubizwa ngokuthi Backstage Pass olungena ngomgqibelo nangesonto kusukela ngehora lesithupha kuze kuyoba eleshumi ebusuku, nakuba emaxhapheshu ngokusakaza kanjalo nokubuye enake ezamabhizinisi kwazise ubuye engene kwezamabhizinizi, kodwa akumvimbi ukuzibukelela iRugby nebhola lezinyawo noma ezifundele izincwadi.

Kudlule emhlabeni umholi onohlonze we ANC

Lowo owayengungqongqoshe wezemidlalo kuleli uMnuzane Makhenkesi Stofile udlule emhlabeni ngomsombuluko ngokwemibiko ekhishe i SABC.

Ngokusho kokhulumela i ANC uMnu Zizi Kodwa uthe ubuholi besifndaze base Eastern Cape busayobabaza emzini walomkadebona ose Alice khona  kulesifundazws nlapho kuzothi mabebuya bese ukazi ukukhipha isitatimende esiqondile ngokudlula emhlabeni kukaMnu Stofile nowayeyingxenye yethimba elalihlela imidlalo yenebe yomhlaba ngo 2010

Kuphose kwaphuma isidumbu ngenxa yengoma

Kuphose kwalalwa kukhalwa emizini eminingi eyakhe endaweni yakwaShoba oPhongolo ngesikhathi amabhobhodlelana anamaqembu okugida ingoma eba nokungaboni ngasolinye kwase kusuka ingxabano.

Lengxabano eyasuka endaweni yokucima ukoma yasendaweni kuthiwa yasuka ngezithuba zantambama ngolwesithathu neyaholela ekutheni kuze kuba khona ogwazwayo nosalele esibhedlela kuze kube imanje kanti abanye basheshe badedelwa esibhedlela emva kokwelashwa.

Thola ukudla komphefumulo no Mphostol BM Buthelezi

Jobe 22 v. 21
Mawujwayelane noJehova

1. Umuntu ujwayelana naye ngoba kunezinto ezifanayo enzithanda ngokufana.
Imvama yethu sehlune no Jehova ngenxa yezono zethu. Kodwa ukumfuna kuyashintsha ingqondo yethu ifane neyakhe. Sithande lokho okuthandwa nguye.

2. Ukujwayelana noJehova kwenza ube nokuthula. Abantu bakhathazekile ngoba akukho ukuthula emakhaya nasezweni. Jwayelana noJehova ukuze ube nokuthula. Imfihlo ikuJehova.

Kunamadoda amabili aba nobuhlobo obujulile noNkulunkulu ebhayibhelini.

Eyokuqala ngu Davide. UJehova uthi uDavide ungowenhliziyo yakhe. Ubuye abizwe ngomngani kaJehova. UDavide wayenamaphutha amaningi kodwa uNkulunkulu umbiza ngomhlobo wakhe. Isizathu yikuthi uDavide wayephenduka uma enze iphutha.

Indoda yesibili ngu Enock, Genesis 5 v. 21-14
Lona ke wahamba noNkulnkulu wagcina ehambe naye. Akafanga kodwa wathathwa.

Sengathi kulelisonto singafuna ukwazana okujulile nJehova ukuze sibe nokuthula.

Amen!!!
Apostle BM Buthelezi
Zoe Christian Fellowship
Cell. 0827546476

Selidumela emansumpeni ngomsakazo wasoPhongolo

Ukufakwa kimshini wokusakaza ezindlini zokusakaza zomsakazo womphakathi wasoPhongolo iPongola FM kuqinisekise ukuthi kungekudala omsakazo uzobe uzwakala emoyeni.

Lezindaba ziqinisekiswe uMnu Vincent Gwebu ongumphathisteshi nothe sebelinde uSantec ekutheni ezobaxhumela omunye umshini ibizwa phecelezi ireceiver ezosiza bekwazi ukuzwakala emoyeni.

Nakuba kubukeka kuyizindaba ezimnandi kepha uMnu Vincent Gwebu uzwakalise okukhulu ukungenami ngabantu abalokhu besebenzisa ifacebook group ethi Pongola community radio nathi akazi bona abanalwazi ngabo yena wazi ipage eli Pongola FM.

Udlulise ukubonga okukhulu kumphakathi nakubantu abeze bazokwenza inhlolokhono yabasakazi nosekusele umzuliswano wokugcina nalapho koqokwa khona abaphumelele.

Balifanisa noMose waseBhayibhelini ikhansela laku Wadi 15 oPongolo

Kungakapheli nsuku zingaki eqokelwe esikhundleni sokuba ikhansela lasewadini elisha okungu wadi 15 ngaphansi kumasipala waso Phongolo uMnu Sgcino Myeni iningi lezakhamuzi zalewadi neyakhiwe indawo yakwa Shoba nengxenyana yemizi yase Deckville bambona ezobakhipha ebugqilini obese bubabhuqabhuqe eside isikhathi.

Nakuba uMyeni emele inhlangano ka ANC okuyiyo edle umhlanganiso iningi lithi lona bekungekhona ukuthi belivotela uKhongolose kepha livote ngenxa yenhlonipho nokuzithoba kwalensizwa ebuye ibe ngumeluleki wezezimali kwa Sanlam.

Ebantwini abaningi abakhulume ne NPG Newsblog bebevumelana ngazwi linye lokuthi bazibona bebheke ezweni lesethembiso okuyizwe loju nezinyosi ngenxa yokuthoba nokuhlonipha kanjalo nobuhlakani balensizwa esencane.

Omunye owesifazane obekhuluma ne NPG Newsblog uthe " lomfana wangisiza esithwalela izingane zethu zishaywe ngamabhunu, wahlala ubusuku bonke ezisiza zivula icala"

Kanti abanye baqhubeka bathi " sinethemba lokuthi uma kunamathuba emisebenzi uzosisiza sikwazi ukuqasheka"

"Sesizoluthola ngokushesha ulwazi lwezinto ezifana nemifundazwe ekhishwa omasipala ngoba uSgcino usesemncane uyakwazi ukubaluleka kwemfundo"

" uma nje engasisiza esingqongqozele emnyangweni wezogesi sikwazi ukuthola ugesi singathokoza"

Ithemba kuma Glug Glug ebamba iBrazil kweyokuvula

Iqembu lebhola lesizwe labaneminyaka engaphansi kuka 23 eliqeqeshwa ngu Owen Da Gama limangaze abaningi ngesikhathi libamba osokhaya okuyi Brazil emidlalweni yama Olympics ezinzulwini zobusuku izolo.

Abafana ba Da Gama baboshelwe eqoqweni elilodwa ne Iran Brazil ne Denmark.

Kanti sisekuzo ezakuma Olympics iqembu labesifazane iBanyana Banyana ivule ngesibhaxu sika 1-0 ishaywa i Sweden ngolwesithathu emdlalweni wokuvula, sekuzothi ngesonto itholane nezwe lase Brazil.

Iixoxwa ngezithombe imibhiyozo yokunqoba ukhetho ku Wadi 15

Nansi imiphumela yokhetho lohulumeni basekhaya opongolo

Selidume ledlula ngokhetho lohulumeni basekhaya imiphumela yamawadi asophongolo abe kanje
Ward 01 Independent CLLR
Ward 02 ANC
Ward 03 ANC
Ward 04 IFP
Ward 05 ANC
Ward 06 IFP
Ward 07 ANC
Ward 08 ANC
Ward 09 ANC
Ward 10 ANC
Ward 11 ANC
Ward 12 ANC
Ward 13 ANC
Ward 14 ANC
Ward 15 ANC

Lizowaphosa ku ANC amavoti ayo i NFP

Iqembu le NFP imemezele ukuthi lizoxhasa i ANC ngamavoti kusasa okhethweni lhulumeni basekhaya.

Leqembu lika Nkosikazi Zanele Magwaza Msibi liqede ukuqagela obekukhona kwazise alikwazanga ukungenela ukhetho emva kokwehluleka ukukhokha imali yokungenela ukhetho.