Ahambe kanje ama Awards e PSL

Footballer of the Season: Lebogang Manyama (Cape Town City)

Absa Premiership Top Goal Scorer: Lebogang Manyama (Cape Town City) - 13 Goals

Absa Premiership Player's Player of the Season: Lebogang Manyama (Cape Town City)

Absa Premiership Goalkeeper of the Season: Darren Keet (Bidvest Wits)

Absa Premiership Defender of the Season: Thulani Hlatshwayo (Bidvest Wits)

Absa Premiership Midfielder of the Season: Aubrey Ngoma (Cape Town City)

Absa Premiership Young Player of the Season: Phakamani Mahlambi (Bidvest Wits)

Absa Premiership Coach of the Season: Gavin Hunt (Bidvest Wits)

National First Division Top Goal Scorer: Sedwyn George (Royal Eagles) - 20 Goals

Telkom Knockout Player of the Tournament: Aubrey Ngoma (Cape Town City)

Nedbank Cup Young Player of Tournament: Nduduzo Sibiya (Golden Arrows)

Nedbank Cup Player of the Tournament: Abbubaker Mobara (Orlando Pirates)

MTN8 Last Man Standing: Daine Klate (Bidvest Wits) 

Referee of the Season: Phelelani Ndaba

Assistant Referee: Luvuyo Pupuma

MultiChoice Diski Challenge Player Of Tournament: Keletso Makgalwa (Mamelodi Sundowns)

Absa Premiership Goal of the Season: Siphiwe Tshabalala

ULAXAZE iMabala Noise uDJ Bongz

UBongani Dlamini nowaziwa ngokuthi ngu DJ Bongz usule isigubhukane izolo enkampanini yokuqopha nabengumsunguli wayo iMabala Noise wayozosungulela eyakhe ebizwa ngokuthi iGwaragwara Entertainment.

UBongz nowaduma ngwngoma ethi Thina sobabili ubephethe ngokubambisana no Reggie Shelembe ku Mabala Noise nelokhu inuka iqaqa emva kokuwina inqwaba yezindodo komculi ongaphansi kwayo uNasty C kuma Metro Award kulonyaka nokwaqubula omkhulu umsindo ezweni abanye bethi vele akhokhelwe igwaqaza lama awadi.

Nakuba ekhiphe isitatimende ekhasini lakhe lika Facebook uBongz akafunanga ukunaba ngokumenze waqoka ukuphuma ibhodwe lakhe kulenkampani elokhu ishiywa abaculi abanohlonze njengoba no Rick Ricky ayilaxaza emva kokuthi ethe ama awadi ayathengwa lapha emzansi nakusho eyokwemukela indodo kuwona ama Metro Award.

Seligqabukile igoda phakathi kuka Teko Modise me Sundowns

Emva kweminyaka engaphezu kwemihlanu engumdlali weMamelodi Sundowns uTeko Modise lufike esiphelweni uhambo lwakhe kuleliqembu lase Pitoli emva kokungavumelani ngenkontileka yonyaka owodwa abenikwa yona iSundowns. Lezindaba zokugqhashuka kocu ziqinisekiswe iyona qobo iMamelodi Sundowns kusitatimende esanda kusikhipha.

UModise nowafika ku Bafana bestayela esuka ku Orlando Pirates udle isicoco se Caf Champions league, eseligi amahlandla amabili, iNedbank cup ukukha phezulu kuleliqembu lempunyela uMnumzane Patric Motsepe.

Nakuba eseneminyaka ewu 34 kubikwa ukuthi amaqembu afana ne Kaizer Chiefs, Cape town City kanjalo ne Orlando Pirates ayanyamaniswa nokumsayinisa kwazise azomthola bhusende.

Kumisiwe ukudayiswa koLamthuthu kuleli

Umnyango wezolimo kuleli izolo umise ukudayiswa kolamthuthu abaphilayo kuleli ngenxa yokwesabela umkhuhlane okuthiwa uphethe lezinkukhu nezithathwa njengezidliwa kakhulu kuleli.

Ngokwemibiko lomkhuhlane uqale ukubikwa ezweni laseZimbabwe emavikini edlule.

Zikhohlwe iNombolo iziboshwa kutheleka abadansasakuhalisa

Kubikwa ukuthi kujajuliswe iziboshwa zasejele elibizwa ngokuthi I Johannesburg Medium B Prison ngesikhathi kunombungazo wenyanga yentsha ngempelasonto edlule.

Kubikwa ukuthi kutheleke izintokazi ezimbili ebezigqoke izimpahla eziveza umzimba zazodansela iziboshwa. Kuthe kusa namuhla bekusabalele izithombe zalaba besifazane bebonakala bethintathinta isiboshwa ezinye zibukela. Okhulumela umnyango wezokuhlumelelisa isimilo uMnuzane Logan Miestry usiqinisekisile lesigameko waphinda wabalula ukuthi kunabasebenzi abayishumi nantathu abazophoswa imibuzo ngalezithombe neziqale ukuvezwa ngu DJ Fresh ekhasini lakhe Lika Twitter.

Bekungathi aphoswa ngesandla amagoli kushaywa I Pirates kuNedbank

Ubungafunga ukuthi kulolongwa uNozinti we pirates uSyabonga Mpontshane ngendlela abegalakadela ngawo epalini amagoli eshagwa yi Supersport emdlalweni wamanqamu we Nedbank izolo ebusuku eMoses Mabhida Stadium eThekwini.

Nakuba iqale yethembisa i Orlando Pirates esiwombeni sokuqala sisasuka kodwa uBradley Grobbler uvele wayicisha yonke lento evalela ngebatha igoli lokuqala nokuthe ngewombe sesibili yabuya kwangathi isixhunywe ogesini iSupersport ivalela phakathi amagoli amathathu ashaywe nguyena Grobbler nobese kungelesibili kwaba elikaJeremy Brockie noke wathola iphenathi wabanjelwa ngumfoka Mpontshane elesine lishaywe ngu Kingston Nkatha nobesuka ebhentshini.

Ezimnyama zithole elokubika nokube iphenathi engine ngonyawo lukakaputeni uOupa Manyisa. Ezika Iron Duke kubonakala lesizini kube ngembi kunawonke selokhu kwasungulwa iPSL ngo1996 njengoba iqede endaweni ka 11 kuligi kanti nakhu isishweba ne nkomishi yakwa Nedbank nobese kuyithemba lokuthoba abalandeli izinhliziyo.

Ikhuluma kuningi I DA ngokumiswa kuka Helen Zille

Iqembu le Democratic Alliance likhiphe umbiko wokuthi lowo owayengumholi walo uNkosikazi Helen Zille umisiwe emva kokuthi abhala encoma uhulumeni wamakhamandela ukuthi wasebenzi umbuso wakhe kwazise iningi inqala sizinda eyakhiwa ngalesosikhathi.

Imibiko ekhishwe ileliqembu ngomlomo womholi wayo uMusi Maimane ithe kumiswe umaZille kuzonazonke izinhlaka zeqembu ngaphandle kwesikhundla sokuba uNdunakulu wesifundazwe saseNtshonalanga kapa. Nakuba bese kusabalele ukumiswa kuzona zonke izinhlaka zaleliqembu kukaZille kuphinde kwavela eminye imibiko ethi unikwe iziñsuku ezintathu ukuthi aphendule ukuthi kungani angeke emiswe eqenjini.