Limenyezelwe iqembu lama Proteas

Inhlangano engamele ikhilikithi kuleli i Cricket South Africa ilimemezele iqembu elizoyomela elakuleli kundebe yomhlaba ye T20 ezobanjwa ngenyanga ka October iziphele ngo November ezweni lase United Arab Emirates (UAE) nelase Oman.

Leliqembu eliqeqes hwa ngu Mark Boucher owayeyi Wicketkeeper yakuleli lizobe liholwa ngu Themba Bavuma nonguKaputeni walo kulindeleke ukuthi lenzekahle kulomqhudelwano.

Selilonke iqembu lime kanje.

Temba Bavuma (captain, Lions), Keshav Maharaj (Dolphins), Quinton de Kock (wicketkeeper, MTitans), Bjorn Fortuin (Lions), Reeza Hendricks (Lions), Heinrich Klaasen (Titans), Aiden Markram (Titans), David Miller (Dolphins), Wiaan Mulder (Lions), Lungi Ngidi (Titans), Anrich Nortje (Warriors), Dwaine Pretorius (North West Dragons), Kagiso Rabada (Lions), Tabraiz Shamsi (Titans), Rassie van der Dussen (Lions)

Okuzochushwa ngabo.

Andile Phehlukwayo (Dolphins), George Linde (Western Province), Lizaad Williams (Titans).

Ixoxwa ngezithombe - Umuntubongwesaphila Awards

 Bekusindwe ngobethole emcimbini wokuklomelisa abanqobile kumncintiswano ka Aungust nobizwa ngokuthi Umuntubongwesaphila Awards osungulwe ngu Nqobizitha 'Nqoba' Thabede umcimbi ububanjelwe kwa koppie Allen ( Kwakopela) budebuduze nedolobha oPhongolo

"ngiyabathanda abantu yikho ngibabongaba besaphila" - Nqoba

Uzibona eyothola isikhathi sokuphumula mhla eselele umlalela wafuthi okwamanje usuku nosuku uzizwa efanelwe ukwenzela uMphakathi wasoPhongolo okuhle nokuqhakambisa abantu bakhona lowo insizwa esencane ewumaphokophelela uNqobizitha 'Nqoba' Thabede.

Uma kukhulunywa ngo Nqoba oPhongolo kuningi akwenzela umphakathi njengokuxhasa imindeni ngokuya ngasethunjini, ukulekelela izingane zesikole ngemifaniswano nangezicathulo, ukuqongelela imali ukuze kusizakale abathile abanokugula kuningi angeke ukuqede njengoba kuyimanje usungule umkhakha wokuklomelisa abenzakahle emphakathini wasoPhongolo.

Umuntubongwesaphila Awards asungulwe yilensizwa echaza kabanzi ngawo uthe " lomklomeliso (Awards) enzelwe ukuqhakambisa iqhaza labo emphakathini nokubabonga besaphila nazokwenzeka inyanga nenyanga njengoba siqalile nje ngo August sizimisele ukuqhubeka siwenze ". 

"Indlela esibaqoka ngayo abanqobayo siyaye sifake umunxa othile bese umphakathi uyasho ukuthi ufuna kube ngubani konke lokhu sikwenza ngo Facebook, lendlela yokwenza nje sizama ukukhombisa abantu ukuthi izinkundla zokuxhumana zingasentshenziswa ukwenza izinto ezinhle " kuqhuba lensizwa enamakhono ayisimanga njengoba ibuye ibengu Thisha wesingisi, uMqondisi wokuphathwa kwezinhlelo, umlingisi kaMabonakude njll.

Kulabo abanqobile kulindeleke beyokwamukela izitifiketi zokubaqhakambisa ngalomgqibelo nalapha umcimbi wabo uzobe utholakala bukhoma enkudleni yokuxhumana uFacebook.

Useqome impempe owayenguNozinti we L Golden Arrows

Ngeminyaka yango 2004 abathandi bebhola basoPhongolo ikakhulukazi abakwaShoba uma bexoxa ngabadlali abashaya into ephezulu lalingasali igama lika Melusi  Malinga owayengu Nozinti wabafana abancane be Lamontville Golden Arrows. 

Lensizwa yakwaShoba oPhongolo seliphinde laba sematheni igama layo ngenxa yekhono eliyisimanga lokuba nguNompempe phecelezi u(Referee), elandisa i NPG Online news uthe "Eqinisweni ngiyalithanda kakhulu ibhola ngesikhathi ngiyeka ukudlala ibhola ngase ngizitshelile ukuthi ngizoyoba ngu Nompempe, lokhu kuzongisiza ukuthi ngikwazi ukufundisa intsha ngemithetho yebhola kwazise umdlali noma engaba nekhono elinjani kepha uma engayazi imithetho yebhola ngeke eyendawo kwazise zonke izinqumo ezizothathwa ngaye uzozibona zimcindezela".

" lomkhakha ubiza ukuthi ubewumqemana uphinde ubemehlomane ngokwenzeka enkundleni kanjalo uza nezingqinamba eziningi kepha ngizimisele ukuthi ngikhule ngiyephambili kuwo , ngiyafisa ukuzibona ngolunye usuku ngiphethe imidlalo ezingeni likazwelonke okungu SAFA elase Africa (CAF) nelomhlabawonke(FIFA), ngiyazi akulula kepha ukuzimisele nokuphokophelela ikhona okuyodala impumelelo" kuqhuba lensizwe egabe ngeziqu zobunjiniyela.

Njengoba imiqhudelwano ilokhu ithe chithi saka oPhongolo lonkana ulokhu ebonakala ephakathi nenkundla ephethe imidlalo kepha osagqame kakhulu kube ngowe Pongola Classic ne Pongola Juventus okungamaqembu athathwa njengezinkunzi oPhongolo ngenxa yeqophelo eliphezulu labadlali bawo nezinga eliphezulu lokuhleleka indlela aphethwe ngawo nakuwo lowomdlalo wawuphatha ngobunyoninco nangokukhulu ukuzimisela .

"Ngibukela kakhulu ku Khulekani Thusi onguNompempe we PSL nosuka lapha kusifunda sethu se Zululand, kanti nabantu abafana no Victor Gomez kanjalo no Makadebona waseNtaliyane u Pierluigi Collina" kuphetha uMelusi

Lalela nansi interview nalensizwa 

Abafaniswa nangalukhalo abezimnyama kuBafana Bafana

 

Umqeqeshi weBafana Bafana uHugo brose ubuke eceleni kuqembu le Orlando Pirates ngesikhathi eqoka iqembu lesizwe lakuleli elizolimela kumidlalo emibili yokuhlungela imidlalo yendebe yomhlaba ezoba se Qatar ngonyaka ozayo.

IBafana Bafana izobhekana ne Zimbabwe kanye ne Ghana ngenyanga ebuyayo, uMqeqeshi wakuleli uqome ukungabizi muntu kompetha be Caf Champions League baka 1995 i Orlando kanjalo waphinda wamshaya ngesithende umdlali oqokwe ngengomdlali wasemumva wonyaka uNjabulo 'Roadblock' Ngcobo nokhuhla ibhentshi kuqembu lakhe elisha iKaizef Chiefs. Abadlali abafana no Lebusa we Sundowns no Maela we Pirates

babekwe eceleleni ngenxa yokulima

Selilonke iqembu leBafana Bafana eliqokiwd lime kanje

Onozinti 

Bruce Bvuma, Ronwen Williams no Veli Mothwa

Abasemumva

Nyiko Mmobie, Rushine De Reuck, Thapelo Morena, Siyanda Xulu, Thibang Phete, Thabani Dube no Sibusiso Mabiliso.

Abaseswini

Sipho Mbule, Njabuli Bloem, Teboho Mokoena, Ethan Brooks, Yusuf Maart , Mthobi Mvala

Abaphambili

Thabiso Kutumela, Percy Tau, Gift Links, Evidence Makgopa, Victor Letsoalo no Bongokuhle Hlongwane no Lurther Sighn

Igwejiwe iRoyal AM

Iqembu leRoyal AM ligwejiwe yiPSL ngokungalubhadi emidlalweni yokuhlungela phecelezi PSL playoff okuyimidlalo okwakumele liyidlale ne Richards Bay United ne Chippa United.

IRoyal AM nosekungumlando ukuthi isidlala ku PSL emva kokuthenga ubulungu be Bloemfontein Celtic igwetshwe imali engu 1Million ngomdlalo nokwenza u4 Million njengiba imidlalo yabamine, lo 4 Million wehlisiwe waba ngu 2.4 Million nophinde walengiselwa iminyaka emibili kanjalo yaphinda yadonselwa amaphuzu ayishumi nambili (12) nelengiselwe unyaka.

Lisemizweni yakhe ibhola uPinky

 

Sithunyelwe

Cishe kukancane uma kunemidlalo yebhola oPhongolo ungalizwa igama lika Pinky Mitchell ongumlandeli omkhulu webhola lezinyawo futhi ungamboni enkundleni.

Lentokazi esencane yasendaweni yase Mhlakeni oPhongolo ilandise i NPG Online news ngothando lwayo ngebhola kwazise ivame ukubonakala ezinkundleni zezemidlalo ikakhulukazi eMngomane Stadium eMphafeni.

"Uthando lwami lwebhola lwaqala ngo 2015 ngisaseskoleni Ophongolo High school ngangibuka indlela owayevimba ngayo  u Yaya Tembe nowayevimbela isikole, ngalesosikhathi kanti kuzoba nemidlalo kamasipala ngahamba ngayoyibuka eNsiligwane ngenhlanhla iwadi lethu layinqoba lemidlalo nalapho futhi uYaya engangimlandela indlela adlala ngayo washaya intoyamehlo".

Lentokazi  engumlandeli omkhulu we Kaizer Chiefs ikubeke kwacaca ukuthi lapha oPhongolo ingumlandeni we Pongola Classic ne Juventus kanti kubadlali ezifelayo ngebhola labo abantu abafana no Avbob Xolani avbob we Pongola Clasic ,Serero juventus ..uNhlakanipho Mkhwanazi nowake wadlala ku Polokwane City nosedlala ku juventus, Smanga Xaba we Pongola Classic, Nhlaka we Tiger boys kanye no Thabani uTornado we juventus.

Nakuba iningi lontanga yakhe u Pinky bephupha ngemisebenzi ethintana kakhulu nokuba ngumuntu wesifazane kepha kulentokazi izibona eminyakeni ezayo ingumhlaziyi webhola kumabonakude.

Njengoba amazwe amaningi ezovula imidlalo yeligi akungabazeki ukuthi lentokazi isimagange ukubukela amaligi amakhulu emhlabeni afana ne DSTV Premiership yakuleli, Laliga, EPL, Seria A namanye amaningi.