ZInkani zababili kwabagaqele esobukhansela ku Ward 15 - Ophongolo

 

Kusadliwa ngoludala insizwa mayiqomisa intombi yayenza isiqiniseko sokuthi ingakayithembisi izulu nomhlaba intombi leyo yayiqala izicwale yona, ichophe inqakala nemvunulo yayo ihlobe kanjalo nesikhwili sayo sasiyikhulumela ingakawuvuli umlomo. Kanjalo nakulolukhetho oluzayo lohulumeni basekhaya kubukeka amaqembu amabili okuyi IFFP ne ANC enza isiqinisekiso sokuthi ayichophile inqakala nemvunulo yawo ihlobile kepha kakwaziwa mbatshi kujiya ukuth ngabe izikhwili zawo zihlome ngokuphelele yini ukuheha intombi engumphakathi ukuthi iwavotele ngomsombuluko.

Leli wadi elihlanganisa indawo yakwaShoba ne yase Deckville lisezandleni zika ANC nokuyiwona osaqhoqhobele izintambo kuMasipala wasoPhongolo, UKhongolose walihlwitha ezandleni ze IFP ngo 2016 nakulokhu usafuna ukulinqoba kwazise uphinde waphakamisa oyikhansela u Mnuzane Sgcino Myeni kanti ngakolunye uhlangathi iqembu le IFP ligadla ngo Mfundisi Eric Mlipha nodume ngelika Madlala.

Lamaqembu womabili abukeka ewuqinisile umkhankaso wawo njengoba ngempela sonto esibuya kuyo ebenemidlalo yebhola lezinyawo. nokuthe ngoMgqibelo/ Sabatha u ANC waqedela  isiteki nalapho ukhiphe khona amajezi amahlanu atholwe ngamaqembu amane aqede phezulu nokuthe umanqoba nokube yi Black Poison yakwashoba izinqobele amajezi amabili nezindondo nomcimbi wezindodo ubuhanjelwe ngomakadebona be Kaizer Chiefs abafana no Cyril Nzama no Chaklas Shongwe. Kanti evikini bebehambise izicelo zabathile ababecele ukuxhaswa ngezimbuzi yaphinda yahambisa nemishini yokuthunga.

ngesonto Iqembu leNkatha yenkululeko i IFP ngamafuthi ibenesiteki samaqembu amayisithupha nalapha ikhiphe khona amajezi amabili kwabadlale ifinal okuyi Maluju FC ne Russia FC. Okunge ebonakala iqinisa kakhulu ekukhunkaseni i IFP indaba yamanzi emphakathini njengoba lowo elifolose ngaye nobonakala esigxotsheni uMfundisi Mlipha elekelela ekuletheni kwamanzi kanjalo nokuthegela izinkulisa izihlalo.

imihlahlandlela yalamaqembu amabili ime kanje 

    ANC                                                

IFP

Limbingelele ngamabili ibhubesi u Jingles

 

Intandokazi yomgadli wakuleli uPercy 'Lion of Judah' Tau ubingelele abalandeli beqembu le Aly Ahly ngamagoli amabii ngsikhathi leli qembu eliqeqeshwa ngu Pitso Jingle Mosimane libhaxabula i Smaily nedlalelwa ngowayengumgadli we Orlando Pirates u justin Shonga ngo 4-0 emdlalweni we Ligi izolo ebusuku kwelase Gibhithe.

uTau nobekuwumdlalo wakhe wokuqala kulezinkunzi zase Africa kubukeka ezogculisa abalandeli kwazise ungomunye wabadlali abahola kakhulu kuleliqembu kwasize bamthenga ngemali eshisiwe eNgilandi ku Brighton & Hove Albion. Akungabazisi ukuthi lomdlalo wayizolo ka Tau umjabulisile noMqeqeshi weBafana Bafana uHugo Broos nosanda Kumfaka uTau eqenjini azotomula kubo abadlali abangu 23 abazobhekana ne Ghana ne ZImbabwe emidlalweni yokuhlungela imidlalo yendebe yomhlabaezoba se Qatar ngonyaka ozayo.

Sisekuzo ezeBafana Bafana nampa abadlali okuzotonyulwa kubo abazomela elakuleli kulemidlalo ezayo.

Goalkeepers: Ronwen Williams (SuperSport United), Veli Mothwa (Amazulu FC), Bruce Bvuma (Kaizer Chiefs), Oscarine Masuluke (Baroka FC)

Defenders: Sydney Mobbie (Sekhukhune FC), Rushine De Reuck (Mamelodi Sundowns), Luke Fleurs (SuperSport United), Terrence Mashego (Cape Town City), Njabulo Blom (Kaizer Chiefs), Siyanda Xulu (Hapoel Tel Aviv), Njabulo Ngcobo (Kaizer Chiefs), S’fiso Hlanti (Kaizer Chiefs), Thapelo Morena (Mamelodi Sundowns), Thibang Phete (Belenenses), Tercious Malepe (AmaZulu FC), Sbonelo Cele (Golden Arrows FC)

Midfielders: Teboho Mokoena (SuperSport United), Thabani Zuke (Golden Arrows) Mothobi Mvala (Mamelodi Sundowns), Jesse Donn (SuperSport United), Sphelele Sithole (Belenenses), Yusuf Maart (Sekhukhune), Ethan Brooks (TS Galaxy), Mduduzi Mdantsane (Cape Town), Siyethemba Sithebe (AmaZulu FC), Nqobeko Dlamini (Golden Arrows)

Strikers: Evidence Makgopa (Baroka FC), Luther Singh (Copenhagen FC), Bongokuhle Hlongwane (Maritzburg United), Victor Letswalo (Royal AM) Percy Tau (Al Ahly), Keagan Dolly (Kaizer Chiefs), Tshegofatso Mabasa (Orlando Pirates), Pule Mmodi (Golden Arrows), Fagrie Lakay (Cape Town City)

isahamba ngolayini Ibafana Bafana

 Iqembu lesizwe lebhola lezinyawo lakuleli iBafana Bafana iqhubekile nokwenza kahle ngaphansi komqeqeshi wayo omusha uHugo Broos emidlalweni yokuhlungela indebe yomhlaba ezoba ngonyaka ozayo eQatar.

IBafana Bafana iguqise iqembu lase Ethopia ngegoli elilodwa eqandeni nokube umkhonto ogwaze ekhaya ngonyawo luka Gebede nongukapteni waleliqembu nobekungumdlalo wokuqala kuleli udlalwa phambi kwababukeli selokhu kwabhedula igciwane le covid19 ngonyaka odlule lomdlalo
obudlalelwa enkundleni iFNB izolo kusihlwa. ezika Broos zize ekulomdlalo zihambela phezulu kwazise bezibuya kubhubhisa yona i Ethopia ngamagoli amathathu kwelilodwa ekuhambeni ngolwesihlanu ngeviki eledlule nalapha amagoli ashaywa ngu ala no Makgopa kwathi elomthoba nhliziyo ele Topiya lashaywa nguye u Gabede wansondo.

Elakuleli liqhwakele kuqoqo lika G ngamaphuzu ayishumi emidlalweni emini elisayidlalile lilandelwe izwe lase Ghana ngayisishiyagalolunye, lisalelwe imidlalo emibili elakuleli nelizoyidlala ne Ghana ekuhambeni kanye nezwe lase Zimbabwe ekhaya. 

Limenyezelwe iqembu lama Proteas

Inhlangano engamele ikhilikithi kuleli i Cricket South Africa ilimemezele iqembu elizoyomela elakuleli kundebe yomhlaba ye T20 ezobanjwa ngenyanga ka October iziphele ngo November ezweni lase United Arab Emirates (UAE) nelase Oman.

Leliqembu eliqeqes hwa ngu Mark Boucher owayeyi Wicketkeeper yakuleli lizobe liholwa ngu Themba Bavuma nonguKaputeni walo kulindeleke ukuthi lenzekahle kulomqhudelwano.

Selilonke iqembu lime kanje.

Temba Bavuma (captain, Lions), Keshav Maharaj (Dolphins), Quinton de Kock (wicketkeeper, MTitans), Bjorn Fortuin (Lions), Reeza Hendricks (Lions), Heinrich Klaasen (Titans), Aiden Markram (Titans), David Miller (Dolphins), Wiaan Mulder (Lions), Lungi Ngidi (Titans), Anrich Nortje (Warriors), Dwaine Pretorius (North West Dragons), Kagiso Rabada (Lions), Tabraiz Shamsi (Titans), Rassie van der Dussen (Lions)

Okuzochushwa ngabo.

Andile Phehlukwayo (Dolphins), George Linde (Western Province), Lizaad Williams (Titans).

Ixoxwa ngezithombe - Umuntubongwesaphila Awards

 Bekusindwe ngobethole emcimbini wokuklomelisa abanqobile kumncintiswano ka Aungust nobizwa ngokuthi Umuntubongwesaphila Awards osungulwe ngu Nqobizitha 'Nqoba' Thabede umcimbi ububanjelwe kwa koppie Allen ( Kwakopela) budebuduze nedolobha oPhongolo

"ngiyabathanda abantu yikho ngibabongaba besaphila" - Nqoba

Uzibona eyothola isikhathi sokuphumula mhla eselele umlalela wafuthi okwamanje usuku nosuku uzizwa efanelwe ukwenzela uMphakathi wasoPhongolo okuhle nokuqhakambisa abantu bakhona lowo insizwa esencane ewumaphokophelela uNqobizitha 'Nqoba' Thabede.

Uma kukhulunywa ngo Nqoba oPhongolo kuningi akwenzela umphakathi njengokuxhasa imindeni ngokuya ngasethunjini, ukulekelela izingane zesikole ngemifaniswano nangezicathulo, ukuqongelela imali ukuze kusizakale abathile abanokugula kuningi angeke ukuqede njengoba kuyimanje usungule umkhakha wokuklomelisa abenzakahle emphakathini wasoPhongolo.

Umuntubongwesaphila Awards asungulwe yilensizwa echaza kabanzi ngawo uthe " lomklomeliso (Awards) enzelwe ukuqhakambisa iqhaza labo emphakathini nokubabonga besaphila nazokwenzeka inyanga nenyanga njengoba siqalile nje ngo August sizimisele ukuqhubeka siwenze ". 

"Indlela esibaqoka ngayo abanqobayo siyaye sifake umunxa othile bese umphakathi uyasho ukuthi ufuna kube ngubani konke lokhu sikwenza ngo Facebook, lendlela yokwenza nje sizama ukukhombisa abantu ukuthi izinkundla zokuxhumana zingasentshenziswa ukwenza izinto ezinhle " kuqhuba lensizwa enamakhono ayisimanga njengoba ibuye ibengu Thisha wesingisi, uMqondisi wokuphathwa kwezinhlelo, umlingisi kaMabonakude njll.

Kulabo abanqobile kulindeleke beyokwamukela izitifiketi zokubaqhakambisa ngalomgqibelo nalapha umcimbi wabo uzobe utholakala bukhoma enkudleni yokuxhumana uFacebook.

Useqome impempe owayenguNozinti we L Golden Arrows

Ngeminyaka yango 2004 abathandi bebhola basoPhongolo ikakhulukazi abakwaShoba uma bexoxa ngabadlali abashaya into ephezulu lalingasali igama lika Melusi  Malinga owayengu Nozinti wabafana abancane be Lamontville Golden Arrows. 

Lensizwa yakwaShoba oPhongolo seliphinde laba sematheni igama layo ngenxa yekhono eliyisimanga lokuba nguNompempe phecelezi u(Referee), elandisa i NPG Online news uthe "Eqinisweni ngiyalithanda kakhulu ibhola ngesikhathi ngiyeka ukudlala ibhola ngase ngizitshelile ukuthi ngizoyoba ngu Nompempe, lokhu kuzongisiza ukuthi ngikwazi ukufundisa intsha ngemithetho yebhola kwazise umdlali noma engaba nekhono elinjani kepha uma engayazi imithetho yebhola ngeke eyendawo kwazise zonke izinqumo ezizothathwa ngaye uzozibona zimcindezela".

" lomkhakha ubiza ukuthi ubewumqemana uphinde ubemehlomane ngokwenzeka enkundleni kanjalo uza nezingqinamba eziningi kepha ngizimisele ukuthi ngikhule ngiyephambili kuwo , ngiyafisa ukuzibona ngolunye usuku ngiphethe imidlalo ezingeni likazwelonke okungu SAFA elase Africa (CAF) nelomhlabawonke(FIFA), ngiyazi akulula kepha ukuzimisele nokuphokophelela ikhona okuyodala impumelelo" kuqhuba lensizwe egabe ngeziqu zobunjiniyela.

Njengoba imiqhudelwano ilokhu ithe chithi saka oPhongolo lonkana ulokhu ebonakala ephakathi nenkundla ephethe imidlalo kepha osagqame kakhulu kube ngowe Pongola Classic ne Pongola Juventus okungamaqembu athathwa njengezinkunzi oPhongolo ngenxa yeqophelo eliphezulu labadlali bawo nezinga eliphezulu lokuhleleka indlela aphethwe ngawo nakuwo lowomdlalo wawuphatha ngobunyoninco nangokukhulu ukuzimisela .

"Ngibukela kakhulu ku Khulekani Thusi onguNompempe we PSL nosuka lapha kusifunda sethu se Zululand, kanti nabantu abafana no Victor Gomez kanjalo no Makadebona waseNtaliyane u Pierluigi Collina" kuphetha uMelusi

Lalela nansi interview nalensizwa