Unqobe isicoco seligi okwesine uHunt he Bidvest Wits

Umakadebona kwezokuqeqesha ibhola likaNobhutshuzwayo uMnuzane Gavin Hunt ulokhu eqhubekile nokuba inkunzi emalundalunda izimendlela zesicoco seligi emva kokunqoba indodo yesine ngesikhathi iBidvest Wits ibangimpetha beligi izolo ebusuku emva kokushaya iPolokwane City ngo 2-0 eMilpark egoli.

Lomphumela uqiniswe nawukudlala ngokulingana ngo 2-2 kweMamelodi Sundowns ne Marizburg United neke yahamba phambili ngo2-0 ngaphambi kokuba bebuye ngasekugcineni abafana bestayela bakwazi ukulinganisa nobesekungeke kubasize ngalutho njengoba lomphumela ubabeke kumaphuzu angu 56 kanti i Wits inawu60 nosekufana nokuthi iyoba isidlalela ukuba sendaweni yesibili iqembu lasePitoli.

Kanti kumaqembu adume njengamakhulu kuleli okuyi Kaizer Chiefs ne Orlando Pirates kubukeka ukugula kufana kuwukuthi kwehlukenwe ngamawodi alaliswe kuwo njwngoba ichiefs iphinde yathola isibhaxu sika 2-0 kuPlatnum Stars nokuyishovele endaweni ka 5 kwathi ezikaMagebhula zadlala ngokulingana ngo 0-0 ne Ajax Cape town nokuyibeke endaweni ka 11 nosekucacile ukuthi izoqopha umlando omubi wokungangeni kutop 8 selokhu kwaqala iPSL ngo 1996.

Kanti kwavika izembe okuyi Chippa United nesizama ukubuya emva kokubhudluza I supersport United NGO 3-0 izolo, I free State Stars, Bloemfontein Celtic, Highlands park kanye he Baroka FC kubukeka obheke ehlathini nozodlala amaplay offs eyobonakala ngeviki elizayo nalapha Kobe sekuwumdlalo wokugcina wawo one amaqembu.

UNCUKE ABALANDELI UMOTAUNG NGESIMEMEZELO

KUKHEXE izihlathi kubalandeli beKaizer Chiefs emva kqesimemezelo esenziwe umphathi weqembu leKaizer Chiefs ubaba uKaizer Motaung izolo emini esithangamini sezindaba egoli.

Kuse izolo sskusabalale izindaba zokuthi kuzoba nesithangami saleliqembu esiphuthumayo nokuthe uma sesihleli wathi uMotaung uzomemezela abaxhasi abasha abazobhekelela ezempilo zabadlali nabasebenzi beqembu nokuyinkampani yakwa Medshield.

Iningi labalandeli lisale lidangele kwazise bebelindele ukuthi kumemnyezelwe ukuxoshwa komqeqeshi walelileqembu uSteve Komphela noziqophele umlando kuleliqembu ukungalinqobisi neyodwa indebe kumasizini amabili selokhu kwathi nhlo emlandweni we PSL.

USHIYE PHANSI IPHALAMENDE WABUYELA KWA ESKOM UMOLEFE

LOWO obeyilunga lephalamende nokungekudala efungisiwe uMnuzane Brain Molefe ushiye phansi lesikhundla sasephalamende wabuyela enkampanini yokuphehla ugesi kuleli u Eskom, uMolefe ubuyela nje kwa eskom vele wayesuke khona emva kokuthi kwaba khona ukuthinteka kwegama lakhe embikweni walowo owayenguMvikeli womphakathi u Advocate Thuli Madonsela.

ABUKEKA EFIPHALA AMATHEMBA E CAPE TOWN CITY OKUDLA ESE PSL

EMVA komdlalo wayizolo lapha I Cape Town City ithole isibhaxu sika 4-2 idindwa iSupersports United abukeke elimala amathuba okuthi ingaba ngompetha besicoco we Ligi.

Leliqembu elinezinyanga lakhiwe limangaze abaningi ngebhola elilidlalayo ngaphansi kobuholi buka Eric Tinkler vele selingompetha be MTN nalapha lashaya I Bidvest Wits nababangisana nayo isicoco seligi nokuyimanje yiyona eqwakele ngamaphuzu angu 57 bese ilandelwa iSundowns ngamaphuzu Angu 54 emva kwemidlalo ewu 27 kanti ezika Tinkler zinamaphuzo angu 52 emva kwemidlalo ewu 28 nokubonakala sekungaba umlingo ukuthi igudluze lamaqembu amabili base Gauteng.

Sisekuzo ezithinta iPSL uMqeqeshi wesikhashan weMarizburg United u Fadluresman Davids uqokwe njengomqeqeshi wenyanga ka April kwasekuthi uDennis Onyango nongunozinti we Mamelodi Sundowns uqokwe njengomdlali ovelele wayo belu inyanga ka April.

ZIBAKHALELE BEYOTITINYA EWEBE IZINKOMO ABESIKEBHE

KUBOSHWE abaholi abane benhlangano elwa nobugebengu, ISKEBHE emgwaqweni u-N2 besuka Empangane nowesilisa obeyoshayelwa ukukhipha iqiniso ngezinsolo zokweba izinkomo. Bobane laba baholi babekwe icala lokuthumba umuntu. Okhulumela amaphoyisa aKwaZulu-Natal uColonel Thulani Zwane uthe owesilisa obethunjiwe usizwe ngamaphoyisa abenze isivimbamgwaqo. "Amaphoyisa avimbe imoto eyiloli lohlobo lwe-Hundai bafica abesilisa abahlanu kuyo. Kuthe besayisesha bezwa owesilisa ekhala ememeza kule moto ecela usizo emaphoyiseni. Uthe uthunjwe yilama doda esiKebhe amthathe Empangeni amsola ngokweba izinkomo." kuchaza uZwane. Uqhube wathi amaphoyisa abophe laba besilisa babekwa icala lokuthumba, bazobuyela eNkantolo yaseMpangeni ngoLwesibili oluzayo sebezofaka isicelo sebheyili. Akwaziwa ukuthi ubesiwaphi lona wesilisa kodwa Iiskebhe sidume ngokuthela induku abasolwa baze bakhiphe iqiniso ngobugengu abasuke besolwa ngabo.