Abafaniswa nangalukhalo abezimnyama kuBafana Bafana

 

Umqeqeshi weBafana Bafana uHugo brose ubuke eceleni kuqembu le Orlando Pirates ngesikhathi eqoka iqembu lesizwe lakuleli elizolimela kumidlalo emibili yokuhlungela imidlalo yendebe yomhlaba ezoba se Qatar ngonyaka ozayo.

IBafana Bafana izobhekana ne Zimbabwe kanye ne Ghana ngenyanga ebuyayo, uMqeqeshi wakuleli uqome ukungabizi muntu kompetha be Caf Champions League baka 1995 i Orlando kanjalo waphinda wamshaya ngesithende umdlali oqokwe ngengomdlali wasemumva wonyaka uNjabulo 'Roadblock' Ngcobo nokhuhla ibhentshi kuqembu lakhe elisha iKaizef Chiefs. Abadlali abafana no Lebusa we Sundowns no Maela we Pirates

babekwe eceleleni ngenxa yokulima

Selilonke iqembu leBafana Bafana eliqokiwd lime kanje

Onozinti 

Bruce Bvuma, Ronwen Williams no Veli Mothwa

Abasemumva

Nyiko Mmobie, Rushine De Reuck, Thapelo Morena, Siyanda Xulu, Thibang Phete, Thabani Dube no Sibusiso Mabiliso.

Abaseswini

Sipho Mbule, Njabuli Bloem, Teboho Mokoena, Ethan Brooks, Yusuf Maart , Mthobi Mvala

Abaphambili

Thabiso Kutumela, Percy Tau, Gift Links, Evidence Makgopa, Victor Letsoalo no Bongokuhle Hlongwane no Lurther Sighn

Igwejiwe iRoyal AM

Iqembu leRoyal AM ligwejiwe yiPSL ngokungalubhadi emidlalweni yokuhlungela phecelezi PSL playoff okuyimidlalo okwakumele liyidlale ne Richards Bay United ne Chippa United.

IRoyal AM nosekungumlando ukuthi isidlala ku PSL emva kokuthenga ubulungu be Bloemfontein Celtic igwetshwe imali engu 1Million ngomdlalo nokwenza u4 Million njengiba imidlalo yabamine, lo 4 Million wehlisiwe waba ngu 2.4 Million nophinde walengiselwa iminyaka emibili kanjalo yaphinda yadonselwa amaphuzu ayishumi nambili (12) nelengiselwe unyaka.

Lisemizweni yakhe ibhola uPinky

 

Sithunyelwe

Cishe kukancane uma kunemidlalo yebhola oPhongolo ungalizwa igama lika Pinky Mitchell ongumlandeli omkhulu webhola lezinyawo futhi ungamboni enkundleni.

Lentokazi esencane yasendaweni yase Mhlakeni oPhongolo ilandise i NPG Online news ngothando lwayo ngebhola kwazise ivame ukubonakala ezinkundleni zezemidlalo ikakhulukazi eMngomane Stadium eMphafeni.

"Uthando lwami lwebhola lwaqala ngo 2015 ngisaseskoleni Ophongolo High school ngangibuka indlela owayevimba ngayo  u Yaya Tembe nowayevimbela isikole, ngalesosikhathi kanti kuzoba nemidlalo kamasipala ngahamba ngayoyibuka eNsiligwane ngenhlanhla iwadi lethu layinqoba lemidlalo nalapho futhi uYaya engangimlandela indlela adlala ngayo washaya intoyamehlo".

Lentokazi  engumlandeli omkhulu we Kaizer Chiefs ikubeke kwacaca ukuthi lapha oPhongolo ingumlandeni we Pongola Classic ne Juventus kanti kubadlali ezifelayo ngebhola labo abantu abafana no Avbob Xolani avbob we Pongola Clasic ,Serero juventus ..uNhlakanipho Mkhwanazi nowake wadlala ku Polokwane City nosedlala ku juventus, Smanga Xaba we Pongola Classic, Nhlaka we Tiger boys kanye no Thabani uTornado we juventus.

Nakuba iningi lontanga yakhe u Pinky bephupha ngemisebenzi ethintana kakhulu nokuba ngumuntu wesifazane kepha kulentokazi izibona eminyakeni ezayo ingumhlaziyi webhola kumabonakude.

Njengoba amazwe amaningi ezovula imidlalo yeligi akungabazeki ukuthi lentokazi isimagange ukubukela amaligi amakhulu emhlabeni afana ne DSTV Premiership yakuleli, Laliga, EPL, Seria A namanye amaningi. 

  

Lilokhu liqhubekile nokumboza ifu elimnyama kuleli

 Indima yezokuncebeleka kuleli ilokhu iqhubekile nokugubhezelwa yifu elimnyama njengoba banda osaziwayo abadlulayo emhlabeni.

Ngokusa kwaNgolwesine sivuke nezindaba zokudlula emhlabeni kwenkakha yezomculo uBaba u Steve Kekana woumo lwengoma ethi take you love  emva kokugula isikhashana. UKekana nobeseneminyaka engu 62 nobephila ngokukhubazeka kazise wahlaselwa isifo sokuvaleka amehlo esemncane izindaba zokushona kwakhe ziqinisekiswe uMphathi womculo wakhe u Xolani Majozi.

Ngalo futhi ulwesine kuphinde kwavela izindaba ezibuhlungu zokudlula emhlabeni komlingisi u Mutodi Nesheshe wodumo lokudlala indawo ka Ndalamo kumdlalo owuchungechunge iu Muvhango, uMutodi uke wadlala kweminye imidlalo efana no Generations the legacy, Tshisa neminye eminingi yakuleli neyaphesheya kwezilwandle.

Usethe khumu ebholeni uYeye

Usewagaxe emgibeni amakhokho u Renelwe 'Yeye' Letsholonyane(39) emva kweminyaka engamashumi amabili (20) edlala ibhola elikhokhelwayo.

UYeye nokungesinye seziteketiso zika Letsholonyane waqala ukugqama ebholeni lakuleli egijima ku Jomo Cosmos ngaphambi kokuyodlala ku Kaizer chiefs nalapha ahlala khona isikhathi eside nokuthe ngokuhamba kwesikhathu wafudukela ku Highlands Park negcine isiyi TS Galaxy nokuyilapho ewagaxe emgibeni esedlalela yona.

Lensizwa idlale amahlandka angu 50 washaya amagoli amabili kuBafana Bafana yayikhona kumdlalo we Confederations cup ngo 2009 kanjalo nakundebe yimhlaba eyayikuleli ngo 2010 waphunda wammela elakuleli nakundebe ye CAF Afrucan cup of Nations ngonyaka ka 2013 nangi 2015.

Sekuze kwamlungela uNtshumayelo

 

Lize lamgidela elakubo uThandani 'Bibo' Ntshumayelo idlozi ngesikhathi ecikica isivumelano sonyaka neqembu le Swallows FC, lezindaba ziqinisekiswe ngu Msakazi wezemidlalo uRobert Marawa.

UBibo nowakhulela kuqembu le Supersport United ubesemabhukwini eBaroka FC ngesizini edlule ngaohambi kokumkhulula nokube yiqembu lokuqala elamsayinisa emva kwesigwebo seminyaka emithathu asithola ngenxa yokutholakala kokuthi ubesebenzisa isikhuthazi esingavumelekile egazi esadlala ku Orlando Pirates.

Iqedile ukubhantinta iKaizer Chiefs

 Iqembu leKaizer Chiefs lisiqedile isigwebo salo sokungasayinisi amahlandla amabili nesayinikwa isigungu esiphethibhola emhlabeni iFIFA. Amakhosi azithola ebhekene nalesimo sokungathengi abadlali emva kokuba iqembu lase Madagascar i Malagasy yafaka isikhalazo kuFIFa sokuthi iChiefs iqhwage umdlali wayo u Adriamirado 'Dax' Adrianarimanana ngo 2018.

Amakhosi ayidlale yonke isizini eyedlule ngale kokuthenga umdlali nokufakazelwe ukungena sekuvalwe amehlo kumqhudelwano we MTN8 nalapha abeseqeqeshwa ngu Arthur '10111' Zwane ebambisane no Dillion Shepard emva kokuxoshwa kuka Gavin Hunt obeyiqeqesha lokhu kuqale lesizini. 

Njengoba AMakhosi esesiqedile isigwebo sawo asevele abathengile abafana abafana no Sfiso Hlanti, Phathudzaye Nange, Njabulo Ngcobo kusalindeleke abanye ezobethula ngokuhamba kwesikhathi kanti ibukeka ingaxhamazeli kwazise isahlalelwe umdlalo onzima wamanqamu e Caf Champions league nazoyidlala ne Al Ahly yaseGibhithe neqeqeshwa ngu Pitso Mosimane emasontweni amabili azayo.